پرەمەر-ءمينيستردىڭ ۇكىمەت وتىرىسى كەزىندە ماڭىزدى قوڭىراۋعا بايلانىستى زالدان شىعىپ كەتكەنى باق نازارىن اۋداردى، دەپ حابارلايدى "ادىرنا" ۇلتتىق پورتالى.
باق-تا پرەمەر-مينيستر ولجاس بەكتەنوۆ تەلەفون قوڭىراۋىنا جاۋاپ بەرۋ ءۇشىن زالدان ۋاقىتشا شىعىپ كەتكەن ءساتىنىڭ بەينەسى تارالدى.
ۇكىمەت وتىرىسى ساعات 10:00-دە باستالدى.
العاشقى ساتتەردە پرەمەر-مينيستر جاڭا وقۋ-اعارتۋ ءمينيسترى بولىپ تاعايىندالعان جۇلدىز سۇلەيمەنوۆانى تانىستىردى. وسى كەزدە ۇكىمەتتىك بايلانىس تەلەفونى شىرىلداپ، بەكتەنوۆ قوڭىراۋعا جاۋاپ بەرىپ، زالدان شىعىپ كەتتى.
وتىرىستى پرەمەر-ءمينيستردىڭ ءبىرىنشى ورىنباسارى رومان سكليار ۋاقىتشا جۇرگىزدى. ول دەنساۋلىق ساقتاۋ ءمينيسترى اقمارال ءالنازاروۆانى مىنبەرگە شاقىرىپ، كۇن تارتىبىندەگى باياندامالاردى تىڭداۋدى جالعاستىردى.
ولجاس بەكتەنوۆ وتىرىستىڭ باستالعانىنا شامامەن 12 مينۋت وتكەن سوڭ قايتا ورالعان.
ايتا كەتەيىك، مۇنداي جاعدايلار ۇكىمەت وتىرىستارىندا سيرەك كەزدەسەدى. پرەمەر-مينيستر جيىندى تولىق ءوزى باسقارىپ وتىراتىن. ۇكىمەتتىك بايلانىس تەلەفونى ادەتتە پرەزيدەنتپەن سويلەسۋ ءۇشىن قولدانىلادى.
