قازان ايىندا كاسپي تەڭىزىندە جۇرگىزىلگەن ارنايى جەدەل-پروفيلاكتيكالىق ءىس-شارالار بارىسىندا 126 قۇقىق بۇزۋشى ۇستالىپ، 44 شاعىن كولەمدى كەمە انىقتالدى، دەپ حابارلايدى "ادىرنا" ءتىلشىسى.
ۇقك شەكارا قىزمەتىنىڭ مالىمەتىنشە، مەملەكەتتىك ورگاندارمەن بىرلەسىپ جۇرگىزىلگەن ءىس-شارالار ناتيجەسىندە 11,5 كەلى ەسىرتكى زاتى جانە براكونەرلىك بالىق اۋلاۋعا ارنالعان 88 شاقىرىم اۋ تاركىلەنگەن.
سونداي-اق زاڭسىز ورناتىلعان اۋعا تۇسكەن بەكىرە جانە وزگە دە بالىق تۇرلەرىنىڭ 2 337-ءسى تابيعي مەكەندەۋ ورتاسىنا قايتا جىبەرىلگەن.
بۇدان بولەك، قۇقىق بۇزۋشىلارعا 4,5 ميلليون تەڭگەدەن استام اكىمشىلىك ايىپپۇل سالىنعان. ال مەملەكەتكە كەلۋى مۇمكىن 840 ميلليون تەڭگەدەن استام زالالدىڭ الدىن الىنعان.
ۇقك شەكارا قىزمەتى كاسپي تەڭىزىندە بەلگىلەنگەن رەجيم تالاپتارىن ساقتاۋدىڭ ماڭىزىن ەسكە سالدى.
