پرەمەر-مينيستر ولجاس بەكتەنوۆ ماسكەۋدە وتكەن ەۋرازيالىق ۇكىمەتارالىق كەڭەس وتىرىسىنا قاتىستى. بۇل تۋرالى ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ايتا كەتەيىك، بۇگىن ولجاس بەكتەنوۆتىڭ تۋعان كۇنى. ول 1980 جىلى 13 جەلتوقساندا دۇنيە كەلگەن. پرەمەر-مينيستر 44 جاسقا تولىپ جاتىر.
بەكتەنوۆ وتىرىستا ەاەو-نىڭ كولىك-لوگيستيكالىق نەگىزى مەن بايلانىسىن نىعايتۋعا ءارى دامىتۋعا ەرەكشە نازار اۋداردى.
"سولتۇستىك – وڭتۇستىك" ءدالىزىنىڭ وتكىزۋ قابىلەتىن جىلىنا 10 ملن توننادان 20 ملن تونناعا دەيىن ارتتىرۋ جوسپارلانىپ وتىر. تەمىرجول سالاسىن دامىتۋدىڭ 2029 جىلعا دەيىنگى تۇجىرىمداماسى شەڭبەرىندە ءتۇيىسۋ پۋنكتتەرى داميتىن جانە تەمىرجول جەلىلەرىنىڭ قۇرىلىسى جۇزەگە اسىرىلادى. وسىلايشا، ءبىز ترانزيتتىك تاسىمال كولەمىن 28 ملن توننادان 45 ملن تونناعا دەيىن ۇلعايتۋدى، 5 مىڭ شاقىرىمعا جۋىق جاڭا جانە ەكىنشى تەمىر جولدار توسەۋدى كوزدەپ وتىرمىز", — دەپ اتاپ ءوتتى ولجاس بەكتەنوۆ.
بۇگىندە قىتايدان ەۋروپاعا ترانزيت كولەمىن ۇلعايتۋ ءۇشىن "دوستىق – مويىنتى" ۋچاسكەسىندە تەمىر جولدار سالۋ جۇمىستارى جالعاسۋدا. جوبانى ىسكە اسىرۋ وتكىزۋ قابىلەتىن 5 ەسەگە، ال تاسىمالداۋ جىلدامدىعىن 2 ەسەگە – تاۋلىگىنە 1,5 مىڭ شاقىرىمعا دەيىن ارتتىرۋعا مۇمكىندىك بەرەدى. پرەمەر-مينيستر وداقتىڭ ينفراقۇرىلىمدىق باسىم جوبالارىن ىسكە اسىرۋ جونىندەگى جۇمىستى جانداندىرۋ قاجەتتىگىن اتاپ ءوتتى.
ونەركاسىپ كووپەراتسياسىن نىعايتۋ ءۇشىن بىرلەسكەن جوبالارعا قارجىلاي كومەك كورسەتۋ تەتىگى قولدانىلادى. ولجاس بەكتەنوۆ وداقتىڭ باسىم مىندەتى – بيزنەستى قولداۋ قۇرالدارى مەن قولدا بار مۇمكىندىكتەرى تۋرالى اقپاراتتاندىرۋ بويىنشا جۇمىستى كۇشەيتۋ بولۋى ءتيىس ەكەنىنە توقتالدى. بۇگىنگى تاڭدا كووپەراتسيا ءۇشىن پەرسپەكتيۆالى باعىتتار – جوعارى تەحنولوگيالىق دارىلىك زاتتار مەن مەديتسينالىق ماقساتتاعى بۇيىمدار ءوندىرۋ بولۋى مۇمكىن. ونىمدەردىڭ وسى تۇرلەرىن شىعارۋدى ارتتىرۋ ءۇشىنشى ەلدەردەن مۇنداي تاۋارلار يمپورتىن ازايتۋعا ىقپال ەتەدى.
ونىمدىلىكتى ارتتىرۋ ماقساتىندا اوك-تە جوعارى تەحنولوگيالاردى ەنگىزۋ ۇسىنىلىپ وتىر. ولجاس بەكتەنوۆ قازىرگى تاڭدا ەلىمىزدە "تسيفرلى" فەرمالار بەلسەندى دامىپ كەلە جاتقانىن، ەگىنشىلىك پەن مال شارۋاشىلىعىندا "اقىلدى" جۇيەلەر قولدانىلاتىنىن ايتتى.
ەۋرازيا دامۋ بانكىنىڭ تالداۋىنا سايكەس، ەاەو-عا قاتىسۋشى ەلدەردىڭ اۋىل شارۋاشىلىعى الەۋەتىن ىسكە اسىرۋ شامامەن 600 ملن ادامنىڭ ازىق-تۇلىككە دەگەن قاجەتتىلىگىن قامتاماسىز ەتۋگە مۇمكىندىك بەرەدى.
