قازاقستاننىڭ اتوم ەنەرگياسى اگەنتتىگى ەلدىڭ العاشقى اتوم ەلەكتر ستانتسياسىنا اتاۋ بەرۋ بويىنشا ۇلتتىق كونكۋرستىڭ اياقتالعانىن ايتتى، دەپ حابارلايدى "ادىرنا" ۇلتتىق پورتالى.
بايقاۋعا 27 مىڭنان استام قازاقستاندىق قاتىسىپ، ءوز نۇسقالارىن جولداعان. كونكۋرس 25 قىركۇيەكتە ساعات 12:00-دە eGov Mobile قوسىمشاسىندا باستالىپ، 10 قازان كۇنى 23:59-دا اياقتالدى. ەكى اپتا ىشىندە ازاماتتار مىڭداعان اتاۋ نۇسقاسىن ۇسىنعان.
اگەنتتىك وكىلدەرىنىڭ ايتۋىنشا، مۇنداي بەلسەندىلىك قازاقستاندىقتاردىڭ اتوم ەنەرگەتيكاسىنا دەگەن قىزىعۋشىلىعىنىڭ جوعارى ەكەنىن جانە ەل ءۇشىن ماڭىزدى جوبانى قولداۋعا دايىن ەكەنىن كورسەتەدى.
قازىر اگەنتتىك ۇسىنىلعان اتاۋلاردى تالداۋ جانە جۇيەلەۋ جۇمىسىن باستاپ كەتتى. ماماندار الدىمەن بارلىق نۇسقالاردى ساراپتاپ، بىرىكتىرىلگەن ەسەپ دايىندايدى. كەيىن ماتەريالدار كونكۋرس كوميسسياسىنىڭ قاراۋىنا جىبەرىلەدى.
قازان ايىنىڭ سوڭىندا وتەتىن كوميسسيا وتىرىسىندا العاشقى قازاقستاندىق اەس-كە بەرىلەتىن ەڭ ۇزدىك اتاۋ انىقتالادى.
«بولاشاق ستانتسيانىڭ اتاۋى ەلىمىزدىڭ ەنەرگەتيكا سالاسىنداعى جاڭا كەزەڭنىڭ سيمۆولىنا اينالادى»، – دەلىنگەن اگەنتتىك مالىمدەمەسىندە.
