وتكەن دەمالىس كۇندەرى ەلىمىزدىڭ بارلىق وڭىرلەرىندە اۋىل شارۋاشىلىعى جارمەڭكەلەرى ءوتتى.
قازاقستاننىڭ بارلىق ايماقتارىندا 95 نۇكتەدە 1400-دەن استام فەرمەر ءوز ونىمدەرىن ۇسىندى. مۇنداي جارمەڭكەلەردىڭ باستى ەرەكشەلىگى - الەۋمەتتىك ماڭىزدى ازىق-تۇلىك ونىمدەرىن دەلدالسىز جانە ۇستەمە باعاسىز تىكەلەي ساتىپ الۋعا بولادى.
سيىر ەتى جارمەڭكەگە كەلۋشىلەردىڭ ەڭ كوپ سۇرانىسىنا يە بولدى. ەلىمىز بويىنشا شامامەن 170 توننا ەت ساتىلدى. ەل استاناسى سيىر ەتىن ساتۋ كولەمى بويىنشا كوشباسشى، مۇندا تۇرعىندار كەلىسى 3100-3500 تەڭگەگە ارالىعىندا شامامەن 60 توننا ەت ساتىپ الدى. الماتىدا 3100-4000 تەڭگەگە ارالىعىندا 25 توننا سيىر ەتى ساتىلدى. ايماقتاردا باعا ايتارلىقتاي تومەن بولدى: باتىس قازاقستان وبلىسىندا 2500-2800 تەڭگە، قىزىلوردا جانە تۇركىستان وبلىستارىندا 2500 تەڭگە، پاۆلودار وبلىسىندا 2300-2600 تەڭگە، سولتۇستىك قازاقستان وبلىسىندا 2700-3200 تەڭگە ارالىعىندا ەت ساتىلدى.
كارتوپقا دا جوعارى سۇرانىس بايقالدى. ەلىمىز بويىنشا 400 توننادان استام كارتوپ ساتىلدى. ايماققا قاراي ءونىم باعاسى كيلوگراممىنا 100-دەن 230 تەڭگەگە دەيىن وزگەردى.
اۋىل شارۋاشىلىعى جارمەڭكەلەرىنىڭ وتكىزىلۋ ءالى جالعاسادى. ءتورتىنشى توقساندا شامامەن 1700 جارمەڭكە وتكىزۋ جوسپارلانعان. ولار سەنبى جانە جەكسەنبى كۇندەرى، سونداي-اق بارلىق مەرەكە كۇندەرىندە وتەدى. وتاندىق وندىرۋشىلەرگە ساۋدا ورىندارى تەگىن بەرىلەدى.
اۋىل شارۋاشىلىعى جارمەڭكەلەرى فەرمەرلەردى قولداۋدىڭ جانە باعالاردى تۇراقتاندىرۋدىڭ ءتيىمدى قۇرالى بولىپ قالا بەرەدى. تۇرعىندار وسىنداي ءىس-شارالارعا قۋانا قاتىسىپ، ساپالى جانە جاڭا ونىمدەردى وندىرۋشىلەردەن تىكەلەي قولجەتىمدى باعادا ساتىپ الۋدا.
