جەزقازعان قالاسى پوليتسيا باسقارماسىنىڭ وتباسىلىق زورلىق-زومبىلىققا قارسى كۇرەس بولىمشەسى «باقىتتى وتباسى – باقىتتى ەل» رەسپۋبليكالىق اكتسياسى اياسىندا №133 نەگىزگى ورتا مەكتەبىنىڭ 5 جانە 6-سىنىپ وقۋشىلارىمەن كەزدەسۋ وتكىزدى.
ءىس-شاراعا وتباسىلىق زورلىق-زومبىلىققا قارسى كۇرەس بولىمشەسىنىڭ اعا ينسپەكتورى، پوليتسيا مايورى ا.م. شالەنوۆا، پوليتسيا لەيتەنانتى ا. ونەر، سونداي-اق ۇلىتاۋ وبلىسى پوليتسيا دەپارتامەنتىنىڭ ينسپەكتورى، پوليتسيا اعا لەيتەنانتى ۆ.ي. يلەنكوۆا قاتىستى.
كەزدەسۋ بارىسىندا وقۋشىلارعا وتباسىنداعى ءوزارا سىيلاستىقتىڭ، ءبىر-بىرىنە قۇرمەتپەن قاراۋدىڭ ماڭىزى ءتۇسىندىرىلدى. پوليتسەيلەر بالالارعا زورلىق-زومبىلىقتىڭ كەز كەلگەن تۇرىنە توزبەۋ، قيىن جاعدايدا كىمگە جۇگىنۋ كەرەكتىگى جونىندە اقپارات بەردى. سونىمەن قاتار، قۇقىق قورعاۋ ورگاندارىنىڭ سەنىم تەلەفوندارى تانىستىرىلىپ، بالالارعا قاۋىپسىزدىك ەرەجەلەرى جونىندە كەڭەستەر ۇسىنىلدى.
ءىس-شارا اياسىندا «باقىتتى وتباسى دەگەندى قالاي تۇسىنەسىڭ؟» تاقىرىبىندا ترەنينگ وتكىزىلىپ، وقۋشىلار ءوز ويلارىن ورتاعا سالىپ، وتباسىنىڭ ەڭ باستى قۇندىلىعى – مەيىرىم، سۇيىسپەنشىلىك پەن سىيلاستىق ەكەنىن اتاپ ءوتتى.
كەزدەسۋدىڭ نەگىزگى ماقساتى – جاسوسپىرىمدەردىڭ قۇقىقتىق ساۋاتتىلىعىن ارتتىرۋ، زورلىق-زومبىلىقسىز ورتا قالىپتاستىرۋ جانە باقىتتى وتباسى قۇندىلىقتارىن دارىپتەۋ بولدى.
وقۋشىلار بەلسەندى قاتىسىپ، وزدەرىن قىزىقتىرعان سۇراقتارىن قويىپ، مامانداردان تولىققاندى جاۋاپ الدى.
