جيىندا قالالىق پوليتسيا باسقارماسىنىڭ جەرگىلىكتى پوليتسيا ءبولىمىنىڭ باستىعى احان ساپاربەكوۆ اتقارىلعان جۇمىستار مەن انىقتالعان كەمشىلىكتەردىڭ ورىندال بارىسى تىڭدالدى. پوليتسيا وكىلىنىڭ مالىمدەۋىنشە سوڭعى كۇندەردە 3 كاسىپكەر مەن 9 ازاماتتىڭ قۇقىق بۇزۋشىلىق ارەكەتى انىقتالىپ، جالپى سوماسى 865 مىڭ تەڭگە ايىپپۇل سالىنعان. سونداي-اق، جۇك كولىكتەرى ايىپتۇراققا قويىلعان.
ازىمبەك پازىلبەكۇلى بۇل كورسەتكىشتىڭ تومەن ەكەنىن، رەيدتىك شارالاردى كۇشەيتۋ قاجەتتىگىن اتاپ ءوتتى. سونداي-اق، پوليتسيا باسقارماسىنا زاڭسىز قوقىس ورىندارى بويىنشا كۇندەلىكتى رەيد جۇرگىزىپ، تازالىعىن قامتاماسىز ەتۋدى تاپسىردى.
سونىمەن قاتار، سەكتور مەڭگەرۋشىلەرىنىڭ جۇمىسىن سىنعا الىپ، وتىرار، بەكزات، شاۋعار، بىرلىك جانە ياسسى سەكتور باسشىلارىنىڭ تارتىپتىك جاۋاپكەرشىلىگىن قاراۋ ماسەلەسىن كوتەردى.
قالا اكىمى سونداي-اق، قۇرىلىس جانە كوممۋنالدىق شارۋاشىلىق بولىمدەرىنە دە قوقىس كارەرلەرىن تولتىرۋ جۇمىستارى بويىنشا ناقتى تاپسىرمالار جۇكتەدى.
زاڭسىز قوقىس ورىندارىن تازارتۋ جۇمىستارى 10 قازانعا دەيىن اياقتالۋى ءتيىس. بۇل ىسكە كوممۋنالدىق شارۋاشىلىق ءبولىمى، تازالىق مەكەمەسى مەن سەكتور باسشىلارى تولىق جاۋاپتى بولماق. سونىمەن قاتار، پوليتسيا باسقارماسى تاراپىنان كۇندەلىكتى رەيد جۇرگىزۋ ءۇشىن كەزەكشى قىزمەتكەرلەرى بەكىتىلدى.
ۇقساس جاڭالىقتار
