بۇگىن ۇلىتاۋ وبلىسىندا ۇلتتىق ەكولوگيالىق باستاما - «تازا قازاقستان» اكتسياسى اياسىندا اعاش وتىرعىزۋ اكتسياسى وتۋدە. ءىس-شارانىڭ ماقساتى - تۇرعىنداردى قورشاعان ورتانى قورعاۋعا شاقىرۋ، ەكولوگيالىق مادەنيەتتى ارتتىرۋ جانە تۋعان ولكەگە قامقورلىق جاساۋدى داستۇرگە اينالدىرۋ.
جەزقازعان قالاسىندا «تازا قالا» اكتسياسى اياسىندا جاستار، ەرىكتىلەر مەن قالا تۇرعىندارىنىڭ قاتىسۋىمەن الاشاحان داڭعىلى مەن «ناۋرىز» ساياباعىندا اعاش وتىرعىزۋ جۇمىستارى جۇرگىزىلۋدە.
ساتباەۆ قالاسىنىڭ جاستارى مەن «تازا ساتباەۆ» ۆولونتەرلىك ۇيىمىنىڭ مۇشەلەرى ەكولوگيالىق اكتسياعا بەلسەنە قاتىسىپ، قالانىڭ تازالىعىنا ءوز ۇلەستەرىن قوستى. بۇل جولى قاتىسۋشىلار قالانىڭ ورتالىق بولىكتەرىندە قوقىس جيناپ، ارامشوپتەردى تازالادى.
اكتسياعا مەملەكەتتىك ورگاندار وكىلدەرىمەن قاتار، بلوگەرلەر، قوعامدىق ۇيىم مۇشەلەرى، جاستار جانە ەرىكتىلەر قاتىستى. سونداي-اق، وبلىستىق جانە رەسپۋبليكالىق باق وكىلدەرى اقپاراتتىق قولداۋ كورسەتتى.
«تازا قازاقستان» رەسپۋبليكالىق اكتسياسى اياسىندا 2025 جىلدىڭ باسىنان بەرى 10 وبلىستىق جانە 15 قالالىق سەنبىلىك وتكىزىلدى. بۇعان قوسا، اپتا سايىن قالا مەن اۋدانداردا «تازا بەيسەنبى» شاراسى وتكىزىلىپ كەلەدى.
2025 جىلدىڭ باسىنان باستاپ «تازا قازاقستان» اكتسياسى اياسىندا ۇلىتاۋ وبلىسىندا 14 مىڭنان اسا اعاش ەگىلدى.
