بەلگىلى بلوگەرلەر ەربولات ءجانابىلوۆ پەن ونىڭ جارى ەلميرا تولەگەنوۆاعا قاتىستى قىلمىستىق ءىس قوزعالدى. بۇل تۋرالى بۇگىن، 16 قازاندا قارجى مونيتورينگى اگەنتتىگى توراعاسىنىڭ ورىنباسارى جەڭىس ەلەمەسوۆ ايتتى، دەپ حابارلايدى «ادىرنا» ءتىلشىسى.
«قر قىلمىستىق كودەكسىنىڭ 214-بابىنىڭ 1-بولىگى (زاڭسىز كاسىپكەرلىك) بويىنشا قىلمىستىق ءىس تىركەلدى. تەرگەۋ جۇمىستارى ەندى عانا باستالدى»،– دەدى ول.
قما وكىلى تەرگەۋدى ەكى اي ىشىندە اياقتاۋ جوسپارلانىپ وتىرعانىن جەتكىزدى.
ەسكە سالايىق، بلوگەرلەر 18-21 تامىز ارالىعىندا 10 اۆتوكولىك ويناتاتىنىن جاريالاعان ەدى. الايدا ۇتىسقا قاتىسۋ قۇنى 30 مىڭ تەڭگە تۇراتىن اقىلى ونلاين-كۋرستى ساتىپ العاننان كەيىن عانا مۇمكىن بولعان. بۇل جاعداي الەۋمەتتىك جەلىدە سىنعا ۇشىراپ، مەملەكەتتىك ورگاندارعا شاعىم ءتۇستى.
ناتيجەسىندە ءىس سوتقا جەتىپ، جانابىلوۆتەر اكىمشىلىك قۇقىقبۇزۋشىلىق جاساعانى ءۇشىن كىنالى دەپ تانىلدى. كەيىن سوت ولاردىڭ ارەكەتتەرىندە قىلمىستىق بەلگىلەر بار دەپ شەشىپ، ءىستى قارجى مونيتورينگى اگەنتتىگىنە جولدادى.
