9 قازان كۇنى استانادا ۇلتتىق ۇلاننىڭ اسكەري قىزمەتكەرى قايتىس بولدى. بۇل تۋرالى ۇلتتىق ۇلاننىڭ ءباسپاسوز قىزمەتى جازدى، دەپ حابارلايدى «ادىرنا» ۇلتتىق پورتالى.
ۇلتتىق ۇلاننىڭ ءباسپاسوز مالىمەتىنە سايكەس، 6636 اسكەري ءبولىمنىڭ اسكەري قىزمەتشىسى قاتارداعى قايسار سۇلتانوۆ اسكەري قالاشىقتى كۇزەتۋ جونىندەگى كەزەكشى بولىمشەنىڭ قۇرامىندا بولعان.
«ساعات 01:20 شاماسىندا شتاب بويىنشا كەزەكشى جانە بولىمشە كومانديرى قىزمەتتى تەكسەرۋ كەزىندە قاتارداعى سۇلتانوۆتىڭ ءوز بەكەتىندە باسىنا وق اتىپ، جارالى جاتقانىن بايقادى. سارباز جەدەل جاردەم جەتكەنشە كوز جۇمدى»، – دەپ مالىمدەدى ۇلتتىق ۇلاننىڭ ءباسپاسوز قىزمەتى.
قازىرگى تاڭدا وقيعاعا قاتىستى قىزمەتتىك تەرگەۋ جۇرگىزىلىپ، ءمان-جايى انىقتالىپ جاتىر.
«ادىرنا» ۇلتتىق پورتالى
