9 qazan kúni Astanada Ulttyq ulannyń áskerı qyzmetkeri qaıtys boldy. Bul týraly Ulttyq ulannyń baspasóz qyzmeti jazdy, dep habarlaıdy «Adyrna» ulttyq portaly.
Ulttyq ulannyń baspasóz málimetine sáıkes, 6636 áskerı bólimniń áskerı qyzmetshisi qatardaǵy Qaısar Sultanov áskerı qalashyqty kúzetý jónindegi kezekshi bólimsheniń quramynda bolǵan.
«Saǵat 01:20 shamasynda shtab boıynsha kezekshi jáne bólimshe komandıri qyzmetti tekserý kezinde qatardaǵy Sultanovtyń óz beketinde basyna oq atyp, jaraly jatqanyn baıqady. Sarbaz jedel járdem jetkenshe kóz jumdy», – dep málimdedi ulttyq ulannyń baspasóz qyzmeti.
Qazirgi tańda oqıǵaǵa qatysty qyzmettik tergeý júrgizilip, mán-jaıy anyqtalyp jatyr.
«Adyrna» ulttyq portaly
