زەينەتاقى قورىنان ء"تىس ەمدەۋ" ءۇشىن 46 ملرد تەڭگە شەشكەن ءۇش جىگىتتىڭ بىرەۋى ۇستالدى دەپ حابارلاندى. ال تاعى ەكەۋى شەتەل اسىپ كەتكەن. بۇل تۋرالى BAQ.KZ جۋرناليستەردىڭ قويعان ساۋالىنا جاۋاپ بەرگەن قما توراعاسىنىڭ ورىنباسارى جەڭىس ەلەمەسوۆ مالىمدەدى، دەپ حابارلايدى “ادىرنا”.
"قارجى مونيتورينگى اگەنتتىگى زەينەتاقى قورىنان ءتىس ەمدەۋ ءۇشىن 46 ملرد تەڭگە شەشىپ العان ءۇش جىگىتكە ىزدەۋ جاريالاعان ەدى. سول كۇدىكتىلەر ۇستالدى ما؟ ادەتتە وندايلار شەتەل اسىپ كەتىپ جاتادى عوي. حالىقارالىق ىزدەۋ جاريالانا ما؟" دەپ سۇرادى باق وكىلدەرى.
ء“يا، ىزدەۋدەگى ادامداردىڭ ءبارىن ۇستاۋ بويىنشا جۇمىستار جۇرگىزىلىپ جاتىر. قازىر ون بىردەن استام ادام ۇستالىپ، قاماۋعا الىندى. قىلمىستىق ءىس تەرگەلىپ جاتىر”، - دەدى قما توراعاسىنىڭ ورىنباسارى جەڭىس ەلەمەسوۆ.
ء"ۇش جىگىت ۇستالدى ما؟" دەپ ناقتىلادى باق وكىلدەرى.
“ىزدەۋ جاريالانعان ءۇش كۇدىكتىنىڭ بىرەۋى ۇستالدى. ول قازاقستان مەن رەسەي شەكاراسىندا قولعا ءتۇستى. قالعان ەكەۋى شەتەل اسىپ كەتكەن”، - دەدى ول.
ەسكە سالساق، بۇعان دەيىن ستوماتولوگيا ارقىلى زەينەتاقى قاراجاتىنان 46 ملرد تەڭگە شىعارعاندارعا ىزدەۋ جاريالانعان بولاتىن.
