قازاقستاننىڭ ەكس-پرەزيدەنتىنىڭ كەڭەسشىسى – ءباسپاسوز حاتشىسى ايدوس ۇكىباي سارى نازارباەۆانىڭ دەنساۋلىق جاعدايىنا قاتىستى مالىمدەمە جاسادى، دەپ حابارلايدى "ادىرنا".
"سارا الپىسقىزى نازارباەۆا ءساۋىر ايىنان باستاپ الماتى قالاسىنداعى پرەزيدەنت ءىس باسقارماسى مەديتسينالىق ورتالىعىنا قاراستى ۇلتتىق گوسپيتالدە ەم قابىلداپ كەلەدى. بارلىق مەديتسينالىق شارا بەكىتىلگەن ستاندارتتارعا ساي جانە وتاندىق مامانداردىڭ باقىلاۋىندا جۇزەگە اسىرىلىپ جاتىر", - دەدى ايدوس ۇكىباي.
ول سونداي-اق باق وكىلدەرى مەن الەۋمەتتىك جەلى قولدانۋشىلارىن سارا نازارباەۆانىڭ ەسىمىن تەكسەرىلمەگەن اقپاراتپەن بايلانىستىرماۋعا، نەگىزسىز پايىم تاراتپاۋعا ۇندەدى.
"مالىمەتتەردى تەك رەسمي دەرەككوزدەردەن الۋلارىڭىزدى سۇرايمىن", - دەدى ۇكىباي.
ەسكە سالايىق، بيىل جازدا باق-تا نۇرسۇلتان نازارباەۆتىڭ جارى سارا نازارباەۆانىڭ ومىردەن وزعانى تۋرالى اقپارات تاراعان بولاتىن. كەيىن ايدوس ۇكىباي بۇل دەرەكتىڭ شىندىققا جاناسپايتىنىن حابارلادى.
