قازاقستاننىڭ بۇرىنعى پرەزيدەنتى نازارباەۆتىڭ كىشى قىزى ءاليا نازارباەۆا ديرەكتورلار كەڭەسىنىڭ قۇرامىندا بولعان كومپانيا تاراتىلدى، دەپ حابارلايدى “ادىرنا” ءتىلشىسى ۇلىسمەدياعا سىلتەپ.
Kerfuffle AG كومپانياسى شۆەيتساريادا رەسمي تۇردە تاراتىلدى.
مالىمەتكە سايكەس، كومپانيا 2026 جىلدىڭ 8 ماۋسىمىندا شۆەيتساريانىڭ زاڭدى تۇلعالار تىزىلىمىنەن تۇپكىلىكتى شىعارىلعان.
Kerfuffle AG بۇعان دەيىن ءاليا نازارباەۆانىڭ شەتەلدەگى بيزنەسىنە قاتىستى بىرنەشە زەرتتەۋدە اتالعان.
جوبانى يرلانديالىق زاڭگەر توماس دجون گاللاحەر باسقارعان. ول 2009 جىلدان باستاپ Kerfuffle AG ديرەكتورلار كەڭەسىنە جەتەكشىلىك ەتىپ، جوبانى قارجىلاندىرۋدى ءاليا نازارباەۆا قامتاماسىز ەتەتىنىن مالىمدەگەن.
جوباعا قازاقستان تاراپىنىڭ قاتىسۋى 2018 جىلى توقتاتىلعانىمەن، جۇمىستار تاعى ەكى جىل جالعاسقان. كەيىن كومپانيا قارجىلىق داۋلارعا بايلانىستى قوعام نازارىن اۋداردى.
ءاليا نازارباەۆا Kerfuffle AG ديرەكتورلار كەڭەسىنىڭ قۇرامىندا 2016 جىلدان 2024 جىلعى 27 قاراشاعا دەيىن بولعان. سول كۇنى كومپانيا قىزمەتىن توقتاتىپ، كەيىن 2026 جىلعى 8 ماۋسىمدا رەسمي تۇردە تاراتىلعان.
