استانادا مۇمكىندىگى شەكتەۋلى ايەل سوت عيماراتىندا جاراقات الدى، دەپ حابارلايدى "ادىرنا" ۇلتتىق پورتالى Patriوt باسىلىمىنا سىلتەمە جاساپ.
وقيعا ازاماتتىق ىستەر جونىندەگى اۋدانارالىق سوتتا بولعان. ايەل وتىرعان كوتەرگىش قۇرىلعى كوتەرىلۋ كەزىندە بەكىتپەدەن بوساپ كەتىپ، تومەن قۇلاعان. سالدارىنان ايەل ارباسىنان ءتۇسىپ كەتىپ، بەتون قورشاۋعا سوعىلعان.
وقيعا بىرنەشە سەكۋندتىڭ ىشىندە ورىن العاندىقتان، ونى ەرتىپ جۇرگەن كومەكشى قۇتقارىپ ۇلگەرمەگەن.
زارداپ شەككەن ايەل – ءبىرىنشى توپتاعى مۇگەدەك. ول بۇرىن جۇمىستا العان جاراقات سالدارىنان ومىرتقاسىنان ايىرىلعان. قازىر ول ەمدەلۋ مەن وڭالتۋدىڭ وتەماقىسىن ءوندىرۋ ءۇشىن سوت ارقىلى ءوز قۇقىعىن قورعاپ ءجۇر. وقيعا بولعان كۇنى ول وسى ءىس بويىنشا سوت وتىرىسىنا جەكە قاتىسۋ ءۇشىن كەلگەن.
ۇقساس جاڭالىقتار
