Astanada mümkındıgı şekteulı äiel sot ǧimaratynda jaraqat aldy, dep habarlaidy "Adyrna" ūlttyq portaly Patriot basylymyna sılteme jasap.
Oqiǧa azamattyq ıster jönındegı audanaralyq sotta bolǧan. Äiel otyrǧan kötergış qūrylǧy köterılu kezınde bekıtpeden bosap ketıp, tömen qūlaǧan. Saldarynan äiel arbasynan tüsıp ketıp, beton qorşauǧa soǧylǧan.
Oqiǧa bırneşe sekundtyŋ ışınde oryn alǧandyqtan, ony ertıp jürgen kömekşı qūtqaryp ülgermegen.
Zardap şekken äiel – bırınşı toptaǧy mügedek. Ol būryn jūmysta alǧan jaraqat saldarynan omyrtqasynan aiyrylǧan. Qazır ol emdelu men oŋaltudyŋ ötemaqysyn öndıru üşın sot arqyly öz qūqyǧyn qorǧap jür. Oqiǧa bolǧan künı ol osy ıs boiynşa sot otyrysyna jeke qatysu üşın kelgen.
Ūqsas jaŋalyqtar
