Astanalyq medisina qyzmetkerlerı jetı jastaǧy qyzdyŋ asqazanynan 100 magnit alyp şyqty, dep habarlaidy "Adyrna" ūlttyq portaly Nūr-Sūltan äkımdıgınıŋ resmi saityna sılteme jasap.
Bügınde balanyŋ ömırıne eş qauıp tönıp tūrǧan joq.
Äkımdıktıŋ mälımetınşe, 2020 jyldyŋ özınde №2 köpbeiındı qalalyq balalar auruhanasyna öŋeş, asqazan, asqazan-ışek joldary (AIJ) jäne bronhtarǧa bögde zattar tüsıp ketken 162 bala kömekke jügıngen.
- Negızınen tüime, monşaq, qaşyqtan basqaru pultındegı batareialar siiaqty ärtürlı ūsaq zattardy jūtyp qoiǧan 1 men 5 jas aralyǧyndaǧy balalar keledı. Därıgerler şyǧarǧan bögde zattardyŋ 17 paiyzy - magnit. Köbınese mūndai jaǧdailar oinap jürıp, qarausyz qalǧanda bolady, - deidı hirurg-därıger Serıkjan Nūrjanov.Auruhananyŋ mälımetınşe, 56 balanyŋ öŋeşınen osyǧan ūqsas bögde zattar şyǧaryldy, asqazan men asqazan-ışek joldarynda mūndai zattar 80 baladan tabyldy, böten zattar bronhtar men tynys jolyna tüsuınen 30 bala zardap şektı.
- Ötken aptada magnittı-rezonansty tomografiialyq (MRT) zertteu üşın auruhanaǧa tüsken 7 jasar qyzǧa operasiia jasaldy. Balanyŋ mūrnyn tekseru kezınde därıgerler mūryn septumynyŋ perforasiiasymen böten zattar mūrynyn (magnittermen) bıtep qalǧanyn anyqtady. - Osydan keiın bala rentgendık zertteuge jıberıldı, ol jaqta da asqazanda magnitterdıŋ jinalǧany anyqtady. Nätijesınde bız 100-den asa kışkentai magnittı şyǧardyq. Bügınde tekseru jäne emdeu tolyq kölemde jürgızılıp jatyr, - dedı auruhananyŋ hirurgiialyq blogynyŋ jetekşısı Rinat Baigireev.Hirurg därıger Serıkjan Nūrjanovtyŋ sözınşe, eger bala magnittı jūtyp qoisa, ol öŋeşte tırelıp qalady, al basqa jaǧdailar da asqazanǧa tüsedı.
- Odan ärı bögde zattardyŋ asqazan-ışek joldaryna tüsıp ketuıne ainalmaly būlşyq et kedergı keltıredı. Eger magnittıŋ ötkır, üşkır tūstary bolsa, öŋeştıŋ şyryşty qabyǧynyŋ ärtürlı tereŋdıkke, tıptı onyŋ tolyq syzyqtyq üzıluıne deiın zaqymdanuy mümkın. Äsırese auyr zardaptar böten zatty bırden emes, bırneşe künnen keiın şyǧarǧan jaǧdailarda bolady. Keŋ kölemdı qabynu infiltrasiiasyn ǧana emes, sonymen qatar tınderdıŋ nekrozyn da tudyratyn jaralar paida bolady, - deidı därıger.Sondai-aq, ol bögde zat denede neǧūrlym ūzaq bolsa, bala üşın soǧūrlym qauıptı bolady deidı.
- Eger bala bır magnittı jūtyp qoisa, onda ol negızınen tabiǧi türde özı şyǧady. Eger olar denede ūzaq uaqyt bolsa jaǧdai qiyndaidy. Olar asqazan-ışek joldarynyŋ ärtürlı bölıkterıne jabysyp qalady. Al jabysqan jerde nekroz perforasiiaǧa deiın damidy jäne peritonitke ūlasady. Eger tynys alu jolynda bögde zat bolsa, onda ol atelektazdy, sol jerde perforasiiaǧa, mediastinitke deiın ırıŋdeudı tudyrady, al eger AIJ-ǧa tüsse, onda ol perforasiia men peritonittı tudyrady, - deidı därıger Nūrjanov.Därıgerler ata-analarǧa saq boluy kerektıgın jäne mūndai jaǧdaida dereu medisinalyq kömekke jügınu qajettıgın eskertedı.
"Adyrna" ūlttyq portaly
Ūqsas jaŋalyqtar
