22–24 säuırde Astanada Aimaqtyq ekologiialyq sammit aiasynda Kaspii teŋızınıŋ deŋgeiınıŋ tömendeu sebepterın zertteitın bırlesken jūmys tobynyŋ alǧaşqy otyrysy ūiymdastyrylady, dep habarlaidy “Adyrna”.
Bakudegı Qazaqstan elşılıgınıŋ basşysy Alim Baiel men Äzerbaijan prezidentınıŋ klimat mäselelerı jönındegı ökılı Mūhtar Babaev kezdesıp, Kaspii teŋızınıŋ ekologiialyq jaǧdaiyn jaqsartu mäselelerın talqylaǧan.
Kezdesu barysynda Äzerbaijan Qazaqstan prezidentı Qasym-Jomart Toqaevtyŋ BŪŪ jüiesı aiasynda halyqaralyq su ūiymyn qūru bastamasyn qoldaityny atap ötıldı.
Mūhtar Babaev Äzerbaijannyŋ bastamany tolyq qoldaitynyn, būl ūiymnyŋ qūryluy su resurstaryn basqarudaǧy qazırgı problemalardy şeşude özektı ekenın jetkızdı. Ol atap ötkendei, su mäselelerı tek ekologiialyq sipatqa ie emes, sonymen qatar qauıpsızdık pen ekonomikaǧa da tıkelei äser etedı, sondyqtan olardy jüielı türde şeşu maŋyzdy.
Kezdesu barysynda taraptar ekologiialyq kün tärtıbı, Kaspii teŋızınıŋ ekojüiesın saqtau, aldaǧy bırlesken ıs-şaralarǧa daiyndyq jäne halyqaralyq tabiǧatty qorǧau bastamalaryn qoldau mäselelerın talqylady.
Sonymen qatar, Qazaqstan elşısı Äzerbaijan tarapyn Aimaqtyq ekologiialyq sammitke belsendı qatysuǧa şaqyrdy. Sammit barysynda bırlesken jūmys tobynyŋ alǧaşqy otyrysy ötkızılıp, Kaspii teŋızınıŋ deŋgeiın tömendetu sebepterı jan-jaqty qaralady dep josparlanuda.
