Nūr-Sūltanda LRT jobasyn ıske asyru kezındegı aqşa jymqyru ısı boiynşa sot tergeuı qaita bastaldy. Otyrys barysynda qylmystyq ıster jönındegı mamandandyrylǧan audanaralyq sottyŋ sudiasy Qajymūhan Mekemtas sottaluşylardyŋ tyiym salynǧan mülkın tızıp şyqty, - dep habarlaidy "Adyrna" ūlttyq portaly Tengrinews.kz-ke sılteme jasap.
"Sot osy qylmystyq ıs boiynşa tergeudı Qylmystyq ıs jürgızu kodeksınıŋ 385-baby negızınde sot tergeuınde kömeskı tūstar men kümändardy şeşu üşın qaita bastau turaly qauly şyǧardy. Atap aitqanda, qaralyp jatqan ıske bailanysty bırqatar jaǧdaidy, qamauǧa alynǧan mülıktı anyqtau üşın. Jaǧdailardy naqtylau qajet. Sottyŋ sottaluşy Äbdıhamitovke bırneşe sūraǧy paida boldy", - dedı sudia Qajymūhan Mekemtas otyrys barysynda.Būl rette sudia mülık boiynşa mäseleler barlyq sottaluşyǧa qatysty ekenın tüsındırdı. Onyŋ aituynşa, būrynǧy käsıpker Äbdıhamitov pen onyŋ otbasy müşelerıne bırneşe kölık pen jyljymaityn mülık tırkelgen.
"Negızı būl üidı anam öz qarajatyna satyp alǧan. Onyŋ zaŋdastyrylǧan aqşasy bar", - dedı Äbdıhamitov.Otyrys barysynda sottaluşynyŋ anasyna Bentley, S-klasty Mercedes , GAZ-33022, 2013 jylǧy tört Toyota Hiace, KamAZ jäne Toyota Camry avtokölıgı tırkelgenı belgılı boldy. Äbdıhamitov otbasynyŋ tyiym salynǧan mülkınıŋ arasynda: Äbdıhamitovtyŋ jūbaiyna tırkelgen jer uchaskesı men elordanyŋ Almaty audanyndaǧy jeke üi, sondai-aq bırneşe tūraq orny, Almaty oblysynyŋ Yntymaq auylyndaǧy jeke üi bar. Sondai-aq, būryn Äbdıhamitov iesı bolǧan kompaniiaǧa ekı avtomobil tırkelgen - Mercedes jäne Toyota Land Cruiser. Sudianyŋ mälımetınşe, sottaluşy Timur Qasabaevtyŋ mülkı arasynda 2011 jyly satyp alynǧan, jūbaiyna tırkelgen Mitsubishi Pajero avtokölıgı, sondai-aq 145 500 teŋge bolǧan. Sottaluşy Ūlyqbek Achilovtyŋ mülkı arasynda Selinograd audanyndaǧy Qosşy kentınde ipotekaǧa satyp alynǧan jeke üige tyiym salyndy. Qazır bank üidı tartyp almaq, sebebı 2,5 jyl qaryz tölemegen. Sondai-aq, oda 2006 jyldyŋ säuırınde satyp alynǧan Daimler jäne 2003 jyly satyp alynǧan Land Rover kölıgı bar. Achilovtyŋ kartochkasynda 354 946 teŋge kölemınde jeke qarajat bolǧan. Būrynǧy deputat pen Nūr-Sūltan mäslihatynyŋ hatşysy Janat Nūrpeiısovtyŋ mülkı retınde Esıl audanyndaǧy päter men ekı tūraq ornyna tyiym salynǧan. Tūrǧyn üi 2012 jyly satyp alynyp, onyŋ atyna 2014 jyly tırkelgen. Sondai-aq, onyŋ bır million teŋgeden asa jeke qarjysy bolǧan. Nūr-Sūltan qalasynyŋ jolauşylar kölıgı jäne avtomobil joldary basqarmasynyŋ būrynǧy bastyǧy Raşid Amanjolovtyŋ da 2007 jyly Esıl audanynynan satyp alynǧan päterı tırkelgen. Sottaluşylar qorǧauşylary sot qūramyndaǧy sudia Qajymūhan Mekemtasqa qarsylyq bıldırdı. Ötınış qabyldanbady. Nūr-Sūltanda LRT salu kezındegı aqşa jymqyru ıs boiynşa sot 2020 jyldyŋ qazanynda bastalǧan. Būǧan deiın jetı adamǧa aiyp taǧylǧany habarlanǧan bolatyn. Olardyŋ arasynda elordanyŋ jolauşylar kölıgı jäne avtomobil joldary basqarmasynyŋ būrynǧy bastyǧy Raşid Amanjolov, Nūr-Sūltan mäslihatynyŋ būrynǧy deputaty jäne hatşysy Janat Nūrpeiısov, "Astana Innovations" AQ basqarmasynyŋ būrynǧy töraǧasy Talǧat Äşım, sondai-aq türlı käsıporyndar qyzmetkerı Ūlyqbek Achilov, Timur Qasabaev, Dulat Musenov jäne Däuren Äbdıhamitov bolǧan. Sybailas jemqorlyqqa qarsy qyzmet aqparaty boiynşa, qylmystyq shemany äkımnıŋ orynbasary Sūltanbekov pen "Astana LRT" basşysy Ardan şeteldık jäne qazaqstandyq kompaniialar kömegımen ūiymdastyrǧan. Ekeuıne de halyqaralyq ızdeu jariialanǧan. Ardan 2014 jyldan 2017 jylǧa deiın "Astana LRT" töraǧasy bolǧan. Sybailas jemqorlyqqa qarsy ıs-qimyl agenttıgınıŋ mälımetı boiynşa, ol ūrlyq deregı anyqtalǧanǧa deiın elden ketıp qalǧan.
"Adyrna" ūlttyq portaly
Ūqsas jaŋalyqtar
