Bır apta ışınde Nūr-Sūltan äuejaiynda «sary» statusty 36 jäne «qyzyl» statusy bar 39 jolauşy anyqtaldy, dep habarlaidy "Adyrna" ūlttyq portaly.
Algoritm boiynşa «qyzyl» märtebesı bar jolauşylar jedel järdem kelgenge deiın oqşaulanǧan, sodan keiın olar auruhanaǧa jatqyzyldy.
Jolauşylar äuejaiǧa kelmes būryn Ashyq qosymşasyn jüktep alyp, öz statusyn aldyn-ala tekserıp aluy kerek.
Ūşuǧa rūqsat joq bolǧan jaǧdaida aqşany qaitaruǧa qatysty sūraqtar äue kompaniiasyna jıberıluı tiıs.
"Ǧimarat kıreberısındegı äuejai qyzmetkerlerınde arnaiy planşetter bar. Smartfondary joq jolauşylar JSN-ın qyzmetkerlerdıŋ planşetı arqyly engızıp, olar turaly mälımet bıle alady. JSN-ı joq şeteldık jolauşylarǧa keletın bolsaq, olar öz statusyn äuejai qyzmetkerlerınıŋ planşetındegı tölqūjat nömırı arqyly teksere alady", dep habarlady äuejaidyŋ baspasöz qyzmetı.12 mamyrda Ashyq jobasy Nūrsūltan Nazarbaev atyndaǧy halyqaralyq äuejaiynda tolyǧymen ıske qosyldy. Ashyq qosymşasyndaǧy aqparat Densaulyq saqtau ministrlıgınıŋ jalpy mälımetter bazasymen integrasiialanu arqyly jetkızıledı jäne ol qazırgı uaqytta virustyŋ tasymaldauşysy bolyp tabyla ma, joq pa, soǧan bailanysty jolauşynyŋ statusyn anyqtaidy.
"Adyrna" ūlttyq portaly
