جول قوزعالىسى قاۋىپسىزدىگى مەن جاڭا وقۋ جىلى قارساڭىندا مەكتەپ جاسىنداعى بالالاردىڭ قاۋىپسىزدىگىن كۇشەيتۋ ماقساتىندا قالا اۋماعىنداعى جالپى ءبىلىم بەرۋ مەكەمەلەرىنىڭ ماڭىندا ارنايى جول ءبولۋ سىزبالارى جۇرگىزىلىپ، جاياۋ جۇرگىنشى وتكەلدەرى جاڭارتىلىپ جاتىر.
جول بەلگىلەرىن جاڭارتۋ وقۋشىلاردىڭ مەكتەپكە بارۋ جانە قايتۋ بارىسىندا قاۋىپسىز قوزعالۋىنا مۇمكىندىك بەرىپ، جول-كولىك وقيعالارىنىڭ الدىن الۋعا باعىتتالعان.
سونىمەن قاتار، جول قوزعالىسى ەرەجەلەرىن ساقتاۋ مادەنيەتىن ارتتىرۋ ماقساتىندا جاڭا ءتۇسىندىرۋ جانە ەسكەرتۋ بەلگىلەرى ورناتىلىپ، جۇرگىزۋشىلەر مەن تۇرعىندار اراسىندا پروفيلاكتيكالىق ۇگىت-ناسيحات جۇمىستارى جۇرگىزىلۋدە.
ايتا كەتەيىك، قازىرگى تاڭدا تۇركىستان قالاسى اۋماعىندا جالپى ۇزىندىعى 845 شاقىرىمدى قۇرايتىن 875 كوشە بار. وسى جولداردىڭ 430,1 شاقىرىمى قاناعاتتانارلىق جاعدايدا بولسا، 419,9 شاقىرىمى قيىرشىق تاستى جولدار ساناتىنا جاتادى.
بيىلعى جوسپار اياسىندا ۇزىندىعى 138,5 شاقىرىمدى قۇرايتىن 159 كوشەگە ورتاشا جوندەۋ جۇمىستارى جۇرگىزىلۋدە. بۇل جۇمىستاردىڭ ناتيجەسىندە جاقسى جانە قاناعاتتى جاعدايداعى جولداردىڭ ۇلەسى 66,7 پايىزعا دەيىن ارتاتىن بولادى.
تۇركىستان قالاسىندا جول قوزعالىسى قاۋىپسىزدىگىن ارتتىرۋ جانە 2025–2026 جاڭا وقۋ جىلى قارساڭىندا مەكتەپ جاسىنداعى بالالاردىڭ قاۋىپسىزدىگىن قامتاماسىز ەتۋ ماقساتىندا جۇيەلى جۇمىستار اتقارىلۋدا. وسى ورايدا، قالا اۋماعىنداعى جالپى ءبىلىم بەرۋ مەكەمەلەرىنىڭ ماڭىنا ارنايى جول ءبولۋ سىزبالارى جۇرگىزىلىپ، جاياۋ جۇرگىنشى وتكەلدەرى جاڭارتىلۋدا.
اتالعان شارالار بالالاردىڭ مەكتەپكە بارۋ جانە قايتۋ كەزىندە قاۋىپسىز قوزعالۋىنا، جول-كولىك وقيعالارىنىڭ الدىن الۋعا باعىتتالعان. سونىمەن قاتار، جول قوزعالىسى ەرەجەلەرىن ساقتاۋ مادەنيەتىن ارتتىرۋ ماقساتىندا ءتۇسىندىرۋ جانە ەسكەرتۋ بەلگىلەرى ورناتىلىپ، جۇرگىزۋشىلەر مەن تۇرعىندار اراسىندا ۇگىت-ناسيحات جۇمىستارى جۇرگىزىلۋدە.
ۇقساس جاڭالىقتار
