تۇركىستان قالاسىنىڭ اكىمى ازىمبەك پازىلبەكۇلىنىڭ توراعالىعىمەن ينفراقۇرىلىمدىق دامۋ جانە كوگالداندىرۋ باعىتىنداعى جۇمىستار بويىنشا جيىن ءوتتى.
جيىنعا قالا اكىمىنىڭ ورىنباسارلارى، ءبولىم باسشىلارى، كوممۋنالدىق مەكەمەلەر مەن مەردىگەر ۇيىمداردىڭ وكىلدەرى قاتىسىپ، اتقارىلعان جۇمىستاردىڭ ەسەبى مەن الداعى جوسپارلار سارالاندى.
بيىل تۇركىستان قالاسىندا كوگالداندىرۋ جۇمىستارى 250 گەكتار اۋماقتى قامتيدى. 192 467 دانا اعاش پەن بۇتا وتىرعىزۋ جوسپارلانعان. سونىمەن قاتار، 1,2 ملن دانا گۇل ەگىلسە، 10 گەكتار اۋماققا كوگال توسەلىپ، دەكوراتيۆتى جامىلعى ورناتىلۋدا.
جاسىل جەلەكتى ساقتاۋ ماقساتىندا قالادا سۋارۋ ينفراقۇرىلىمى جاڭارتىلىپ، گيدرانتتى جانە تامشىلاتىپ سۋعارۋ، موتوپومپا، ناسوس جۇيەلەرى ەنگىزىلۋدە. اۋەجاي جولى، اينالما جول، كوممۋنيزم اۋماعىندا سۋ ايداعىش قۇرىلعىلار ورناتىلىپ جاتىر.
جيىن قورىتىندىسىندا قالا اكىمى جاۋاپتى بولىمدەر مەن مەكەمەلەرگە بارلىق جۇمىستاردى ساپالى اتقارىپ، ەگىلگەن جاسىل جەلەكتەرگە تۇراقتى كۇتىم جاساۋ جانە كوگالداندىرۋ جۇمىستارىن كەزەڭ-كەزەڭىمەن جۇيەلى جالعاستىرۋدى تاپسىردى.
ۇقساس جاڭالىقتار
