“العاشقى جۇك - قازاقستان استىعى”. ازەربايجان ارمەنياعا جۇك ءترانزيتىن اشتى

ازەربايجان پرەزيدەنتى اقوردادا جۇك ترانزيتىنە قاتىستى جاڭالىقتى ءبولىستى، دەپ حابارلايدى "ادىرنا" ۇلتتىق پورتالى.

“ازەربايجان ارمەنياعا جۇك ترانزيتىنە قويىلعان بارلىق شەكتەۋلەردى الىپ تاستادى. بۇل شەكتەۋلەر وككۋپاتسيا كەزەڭىنەن بەرى ساقتالىپ كەلگەن بولاتىن. ال العاشقى ترانزيتتىك جۇك – قازاقستاننىڭ استىعى. بۇل وقيعا ازەربايجان مەن ارمەنيا اراسىنداعى بەيبىتشىلىكتىڭ قاعاز جۇزىندە عانا ەمەس، ءىس جۇزىندە دە ورناعانىنىڭ جاقسى دالەلى دەپ ەسەپتەيمىن”، – دەدى يلحام اليەۆ.

ايتا كەتەيىك، 9 تامىزدا ازەربايجان مەن ارمەنيا باسشىلارى اقش پرەزيدەنتى دونالد ترامپتىڭ قاتىسۋىمەن سوعىس قيمىلدارىن توقتاتۋ جونىندەگى بىرلەسكەن دەكلاراتسياعا قول قويعان ەدى.

پرەزيدەنت قاسىم-جومارت توقاەۆ بۇل كەلىسىمدى “ازەربايجان مەن ارمەنيا اراسىنداعى بەيبىتشىلىكتى ورناتۋداعى تاريحي ماڭىزى زور جەتىستىك” دەپ باعالاعان. ول يلحام اليەۆتى قازاقستانعا ارنايى شاقىرعان.