قوستاناي وبلىسىنىڭ ارقالىق قالاسىندا تويعا بارعان قوناقتار جاپپاي تاماقتان ۋلانىپ، 85 ادام اۋرۋحاناعا ءتۇستى، دەپ حابارلايدى "ادىرنا" ۇلتتىق پورتالى.
وبلىستىق دەنساۋلىق ساقتاۋ باسقارماسىنىڭ مالىمەتىنشە، مەرەيتوي وتكەن مەيرامحانادا تاماق ىشكەندەردىڭ بارلىعىندا ۋلانۋ بەلگىلەرى بايقالعان. ناۋقاستاردىڭ اراسىندا جەتى بالا بار. ءۇش ادام اۋرۋحاناعا جاتۋدان باس تارتقان.
«تالداۋ ناتيجەلەرى ازىرگە دايىن ەمەس. بەلگىلى بولعانداي، بۇل كافە كۇندەلىكتى جۇمىس ىستەمەگەن، تەك بانكەتتىك شارالارعا قىزمەت كورسەتكەن. قىلمىستىق كودەكستىڭ “سانيتارلىق ەرەجەلەردى نەمەسە گيگيەنالىق نورمالاردى بۇزۋ” بابىنا سايكەس ءىس قوزعالدى. سونىمەن قاتار وبلىستىڭ باس مەملەكەتتىك دارىگەرى مەيرامحانانىڭ قىزمەتىن توقتاتۋ تۋرالى شەشىم شىعاردى»، – دەدى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى گۇلىم دوسىموۆا.
قازىر وقيعانىڭ ناقتى سەبەبىن انىقتاۋ ءۇشىن تەرگەۋ امالدارى ءجۇرىپ جاتىر.
