تەاتر جانە كينو اكتەرى باقىت حادجيباەۆ "قازاقستاننىڭ ەڭبەك سىڭىرگەن قايراتكەرى" اتاعىن الدى، دەپ حابارلايدى "ادىرنا" ۇلتتىق پورتالى.
اكتەر ماراپاتىن الدىمەن ءوز ۇستازى، قازاقستاننىڭ ەڭبەك سىڭىرگەن قايراتكەرى، مەملەكەتتىك سىيلىق لاۋرەاتى نۇرقانات جاقىپبايعا ارناپ، العىسىن ءبىلدىردى.
باقىت حادجيباەۆتىڭ ونەر جولى تاعدىردىڭ كۇتپەگەن بۇرىلىستارىمەن باستالعان. ۇستازى نۇرقانات جاقىپباي ەسىنە الدى.
“جاس باقىت حادجيباەۆ وپەراتور بولامىن دەپ، اۋديتوريانى شاتاستىرىپ، مەنىڭ ەمتيحانىما كىرىپ كەتكەن ەدى. بىراق مەن ونى جاي قاتەلىك دەپ قابىلدامادىم. ىشكى تۇيسىگىم بۇل جىگىتتى ونەرگە تاعدىر ءوزى اكەلدى دەدى. سول ساتتەن باستاپ ونىڭ ساحناداعى ءومىرى باستالدى" - دەدى ول.
ايتا كەتەيىك، اكتەر باقىت حادجيباەۆ "ويان، قازاق!" فيلمىندە باستى ءرولدى سومداپ، حالىقتىڭ ىقىلاسىنا بولەنگەن ەدى.
