حالىقارالىق ءپان وليمپيادالارىندا جوعارى ناتيجە كورسەتكەن وقۋشىلاردى دايىنداعان بىرقاتار مۇعالىمدەر مەن تالىمگەرلەر مەملەكەتتىك ناگرادالارعا يە بولدى. بۇل تۋرالى اقوردا جازدى، دەپ حابارلايدى "ادىرنا".
مەملەكەت باسشىسى قاسىم-جومارت توقاەۆتىڭ جارلىعىمەن ءبىلىم بەرۋ سالاسىنا قوسقان ەلەۋلى ۇلەسى جانە قازاقستانعا سىڭىرگەن ەڭبەگى ءۇشىن بىرقاتار پەداگوگ ماراپاتتالدى.
اتاپ ايتقاندا، «قۇرمەت» وردەنى استانا قالاسىنداعى نازارباەۆ زياتكەرلىك مەكتەبىنىڭ مۇعالىمى مەيرامگۇل كەنجەحانوۆاعا جانە الماتى قالاسىنداعى №134 ليتسەيدىڭ مۇعالىمى يرينا نەستەرەنكوعا تابىستالدى.
سونداي-اق «قۇرمەت» وردەنىمەن «Edlight Academy» ادىسكەرى جانبولات جولگەلديەۆ، قاراعاندى قالاسىنداعى نازارباەۆ زياتكەرلىك مەكتەبىنىڭ مۇعالىمى قارلىعاش جولدىباەۆا جانە «Haileybury Almaty» مەكتەبىنىڭ مۇعالىمى ۆلاديمير جۋك ماراپاتتالدى.
ال «ەرەن ەڭبەگى ءۇشىن» مەدالىنە وسكەمەن قالاسىنداعى ءبىلىم-يننوۆاتسيا ليتسەيىنىڭ مۇعالىمى ايگۇل سەيىتداۋلەت يە بولدى.
بۇدان بولەك، «شاپاعات» مەدالى قىزىلوردا قالاسىنداعى ءبىلىم-يننوۆاتسيا ليتسەي-ينتەرناتىنىڭ مۇعالىمى باتىر جارقىنعا، تالدىقورعان قالاسىنداعى №24 ليتسەيدىڭ مۇعالىمى مەرۋەرت اباەۆاعا، پاۆلودار قالاسىنداعى ءبىلىم-يننوۆاتسيا ليتسەي-ينتەرناتىنىڭ مۇعالىمى ولجاس امزەەۆكە جانە الماتى قالاسىنداعى رەسپۋبليكالىق فيزيكا-ماتەماتيكا مەكتەبىنىڭ مۇعالىمى باقىت مامىشەۆكە بەرىلدى.
بۇعان دەيىن مەملەكەت باسشىسى قاسىم-جومارت توقاەۆ اقوردادا حالىقارالىق ءپان وليمپيادالارىندا جەڭىمپاز اتانىپ، جۇلدەلى ورىندارعا يە بولعان وقۋشىلار مەن ستۋدەنتتەرمەن كەزدەسكەن بولاتىن. كەزدەسۋ بارىسىندا ەلدەگى دارىندى جاستاردى قولداۋ جانە ولاردىڭ جەتىستىكتەرىنە ۇلەس قوسقان ۇستازداردىڭ ەڭبەگىن باعالاۋ ماسەلەسىنە دە نازار اۋدارىلدى.
