پرەمەر-مينيستر ينۆەستيتسيا تارتۋ ماسەلەسىندە كەي ءوڭىردى سىنادى، دەپ حابارلايدى "ادىرنا" ۇلتتىق پورتالى.
ۇكىمەت باسشىسى 2029 جىلعا دەيىن قازاقستان ەكونوميكاسىنا كەمىندە 150 ملرد دوللار ينۆەستيتسيا تارتۋ مىندەتى تۇرعانىن ەسكە سالدى.
الايدا وڭىرلەردىڭ بارلىعى بۇل باعىتتا بەلسەندىلىك تانىتىپ وتىرعان جوقتىعىن دا اتاپ ءوتتى.
«اتىراۋ، ۇلىتاۋ جانە اباي وبلىستارىندا ينۆەستيتسيا تارتۋ قارقىنى تومەن. ارتتا قالعان وڭىرلەردىڭ اكىمدەرى ينۆەستيتسيالىق نىسانالى كورسەتكىشتەرگە قول جەتكىزبەگەنى ءۇشىن ءوز ورىنباسارلارىن تارتىپتىك جاۋاپكەرشىلىككە تارتسىن»، – دەدى بەكتەنوۆ.
پرەمەر-مينيستر مەملەكەتتىك ورگانداردىڭ جۇمىسىن جەدەلدەتۋدى تاپسىردى. ونىڭ ايتۋىنشا، ينۆەستيتسياسىز ەكونوميكانىڭ تۇراقتى دامۋى مۇمكىن ەمەس.
ۇقساس جاڭالىقتار
