اقش-تىڭ كەنتۋككي شتاتىندا جۇك ۇشاعى اپاتقا ۇشىرادى. وقيعا سالدارىنان كەم دەگەندە جەتى ادام قازا تاۋىپ، تاعى 11 ادام جاراقات الدى، دەپ حابارلايدى «ادىرنا» ءتىلشىسى كتتس ارناسىنا سىلتەمە جاساپ.
شتات گۋبەرناتورى ەندي بەشير الەۋمەتتىك جەلىدەگى جازباسىندا ۇشاق اپاتى لۋيسۆيلل قالاسىنداعى مۇحاممەد ءالي اتىنداعى حالىقارالىق اۋەجايدا بولعانىن ناقتىلادى. ونىڭ ايتۋىنشا، UPS جۇك تاسىمالداۋ كومپانياسىنا تيەسىلى ۇشاق ۇشۋ-قونۋ جولاعىنان كوتەرىلگەننەن كەيىن بىردەن قۇلاعان.
«قازا تاپقاندار سانى كەمىندە جەتى ادامعا جەتتى، وكىنىشكە قاراي، بۇل كورسەتكىش ءالى دە ءوسۋى مۇمكىن»، — دەدى بەشير.
گۋبەرناتوردىڭ مالىمەتىنشە، كومپانيانىڭ ەكى قىزمەتكەرى ءىز-ءتۇسسىز جوعالعاندار قاتارىندا. ال 11 جارالانعان ادام جاقىن ماڭداعى مەديتسينالىق مەكەمەلەرگە جەتكىزىلىپ، ءتيىستى كومەك كورسەتىلۋدە.
قازىرگى تاڭدا اپات سالدارىنان شىققان ءورتتى ءسوندىرۋ جانە ونىڭ تارالۋىن توقتاتۋ جۇمىستارى ءجۇرىپ جاتىر.
