ۆاشينگتوندا يزرايل مەن پالەستينا قاقتىعىسىنا قاتىستى شەرۋ ءوتتى، دەپ حابارلايدى "ادىرنا" ءتىلشىسى The Guardian باسىلىمىنا سىلتەپ.
ۆاشينگتون قالاسىندا 4 قاراشا كۇنى پالەستينانى قولدايتىن اكتسياعا جينالدى. بۇل گازا سەكتورىنا يزرايل شابۋىلدارى باستالعاننان بەرى اقش-تاعى ەڭ ۇلكەن نارازىلىق بولادى دەپ كۇتىلگەن.
"ۇلتتىق پارك قىزمەتى بەرگەن رۇقساتقا سايكەس، ۆاشينگتون: ەركىن پالەستينا ۇلتتىق شەرۋىنە 30 مىڭعا دەيىن ادام قاتىسادى دەپ كۇتىلگەن", — دەپ حابارلايدى باسىلىم.
شەرۋگە قاتىسۋشىلار بوستاندىق الاڭىنا ساعات 14.00-دە جينالىپ، شەرۋدى ۇيىمداستىرۋشىلار اق ءۇيدىڭ جانىنان ءوتۋدى جوسپارلادى.
"قورشاۋعا الىنعان پالەستينا حالقىنىڭ جاعىنا شىعاتىن ۋاقىت كەلدى! گازا ساعات سايىن بومبالانادى. يزرايل ونىڭ تۇرعىندارىن تاماق، سۋ جانە ەلەكتر قۋاتىنان ايىرادى. تاعى ون مىڭداعان ادام قايتىس بولۋى مۇمكىن. ءبىز ارەكەت ەتۋىمىز كەرەك!"- دەلىنگەن شەرۋگە شىقۇاندار.
بۇعان دەيىن، الەمنىڭ بىرنەشە ەلدەرىندە پالەستينا مەن يزرايل قاقتىعىسىنا بايلانىستى شەرۋلەر وتكەن ەدى.
