گرۋزيادا اپاتقا ۇشىراعان ۇشاقتا 20 اسكەري قىزمەتكەر بولعان، دەپ حابارلايدى "ادىرنا" ۇلتتىق پورتالى Report-عا سىلتەپ.
رەسمي دەرەككە سايكەس، اپاتقا ۇشىراعان تۇركيانىڭ اسكەري ۇشاعىنىڭ بورتىندا ەكيپاج مۇشەلەرىن قوسا العاندا، بارلىعى 20 تۇركيالىق اسكەري قىزمەتكەر بولعان. قازىرگى ۋاقىتتا اپات بولعان جەردە ىزدەستىرۋ-قۇتقارۋ جۇمىستارى جۇرگىزىلۋدە.
«ۇشاقتا بارلىعى 20 اسكەري قىزمەتكەرىمىز بولعان. قۇتقارۋ توپتارى وقيعا ورنىندا جۇمىسىن جالعاستىرۋدا»، — دەلىنگەن مينيسترلىكتىڭ حابارلاماسىندا.
اپاتتىڭ سەبەبى ازىرگە انىقتالعان جوق.
ۇقساس جاڭالىقتار
