تۇركيادا جاپپاي نارازىلىق. انتالياداعى تۋريستەرگە قوناقۇيدەن شىقپاۋعا كەڭەس بەرىلدى

تۇركياداعى جاپپاي نارازىلىق سالدارىنان انتاليادا تۋريستەرگە قوناقۇيلەردەن شىقپاۋعا كەڭەس بەرىلدى. جەرگىلىكتى بيلىكتىڭ مالىمەتىنشە، 250 ادام ۇستالىپ، 6 بەلسەندى قاماۋعا الىنعان، دەپ حابارلايدى “ادىرنا” ۇلتتىق پورتالى. نارازىلىق 20 ناۋرىزدان بەرى جالعاسىپ كەلەدى. وعان ىستامبۇل مەرى ەكرەم يماموعلۇنىڭ تۇتقىندالۋى سەبەپ بولدى. ول – الداعى پرەزيدەنتتىك سايلاۋدا ەردوعاننىڭ باستى قارسىلاسى سانالادى. قارجىلىق جاعداي دا كۇردەلەنە ءتۇستى – تۇرىك ليراسى ءبىر كۇندە 14,5%-عا قۇنسىزدانىپ، كەيىن قايتا تۇراقتالعانىمەن، قازىرگى باعامى الدىڭعى دەڭگەيدەن 6%-عا تومەن. رەسەيلىك جانە شەتەلدىك تۋريستەرگە تۇركياداعى جاعدايدى ءجىتى باقىلاپ، دەمالىسقا قاتىستى قاۋىپسىز شەشىم قابىلداۋ ۇسىنىلادى. ىستامبۇلعا بارۋدى جوسپارلاعاندار ءۇشىن مارت پەن ءساۋىر ايلارىندا ساپاردان باس تارتۋ ۇسىنىلادى، سەبەبى قالا ورتالىعىندا كوشە قوزعالىسى شەكتەلىپ، قاۋىپسىزدىك شارالارى كۇشەيتىلگەن.