تۇركيا پرەزيدەنتى رەجەپ تايپ ەردوعان 12 قاراشادا دۇنيەجۇزىلىك احىسقا تۇرىكتەرى قاۋىمداستىعىنىڭ دەلەگاتسياسىن قابىلدادى، دەپ حابارلايدى «ادىرنا» ءتىلشىسى.
مەملەكەت باسشىسى انكارانىڭ احىسقا دياسپوراسىنا كەڭ كولەمدە قولداۋ كورسەتىپ وتىرعانىن ايتتى.
«بۇگىنگى كۇنگە دەيىن شامامەن 170 مىڭ احىسقا تۇرىگىنە ازاماتتىق, ال 150 مىڭنان استام ادامعا ۇزاق مەرزىمدى تۇرۋعا رۇقسات بەردىك. باسقا ەلدەردە ءومىر ءسۇرىپ جاتقان بارلىق باۋىرلارىمىزعا TİKA جانە شەتەلدەگى تۇرىكتەر ىستەرى جونىندەگى باسقارما سىندى مەكەمەلەر ارقىلى قولداۋ كورسەتۋدى جالعاستىرامىز»، – دەدى ەردوعان.
پرەزيدەنت انكارانىڭ احىسقا تۇرىكتەرىنىڭ تاريحي وتانىنا ورالۋ جانە ازاماتتىق الۋ ماسەلەسىن مۇقيات باقىلاپ وتىرعانىن ەرەكشە اتاپ ءوتتى.
ء«بىز سىزدەردىڭ ءادىل ىستەرىڭىزدى ەكىجاقتى دەڭگەيدە دە، سونداي-اق ەۋروپا كەڭەسى مەن تۇركى مەملەكەتتەرى ۇيىمى سياقتى حالىقارالىق الاڭداردا دا قورعاپ كەلەمىز. ەلشىلىكتەرىمىز بەن باس كونسۋلدىقتارىمىز احىسقالىق باۋىرلارىمىزعا قاتىستى بارلىق ماسەلەدە ءاردايىم اشىق»، – دەدى تۇركيا باسشىسى.
ەردوعان سونىمەن قاتار ۋكرايناداعى سوعىس سالدارىنان تۇركياعا كەلگەن شامامەن 5 مىڭ احىسقا تۇرىگىمەن كەزدەسكەنىنە ريزاشىلىعىن ءبىلدىردى.
«بەلگىلى بولعانداي، ءبىزدىڭ ەلگە حالىقارالىق قورعان ىزدەپ كەلگەن 2315 احىسقا تۇرىگىن ۋاقىتشا ەليازىگ قالاسىنا ورنالاستىردىق. ولاردىڭ ىشىندە 703 باۋىرىمىزدى بيتليس-احلات قالاسىندا تOKİ سالعان ءبىرىنشى كەزەڭدەگى تۇرعىن ۇيلەرگە ورنالاستىردىق، ال ەكىنشى كەزەڭنىڭ قۇرىلىسى قارقىندى ءجۇرىپ جاتىر»،- دەدى ول.
