شىمكەنت قالاسىنىڭ بۇرىنعى اكىم ورىنباسارى رۋسلان بەردەنوۆكە جاسالعان قىلمىستىق شابۋىل ءىسى قارالعان كەزدە جۋرناليستكە ءتىل كورسەتكەن سۋديا ءابينۇر قاراباەۆقا قاتىستى تارتىپتىك شارا قولدانىلدى، دەپ حابارلايدى “ادىرنا”.
جوعارعى سوت كەڭەسىنىڭ قۇرامىنداعى سوت القاسى سۋديا ءابينۇر قاراباەۆتى تارتىپتىك جاۋاپكەرشىلىككە تارتىپ، وعان ەسكەرتۋ جاساۋ تۇرىندە جازالاۋ تاعايىندادى. بۇل شەشىم سۋديانىڭ سوت تورەلىگى ەتيكاسىن بۇزعان ارەكەتىنە بايلانىستى قابىلداندى.
ايتا كەتسەك، سوت القاسى — سۋديالار قاۋىمداستىعىنىڭ تاۋەلسىز تارتىپتىك ورگانى. ونىڭ ماقساتى — سۋديالاردى جازالاۋ ەمەس، تارتىپتىك شارالار ارقىلى ولاردىڭ جاۋاپكەرشىلىگىن ارتتىرۋ جانە سوت پروتسەسىنە قاتىسۋشىلاردىڭ سۋديالارعا دەگەن سەنىمىن نىعايتۋ. سونداي-اق، ول تارتىپتىك پروتسەستىڭ زاڭدىلىعى مەن ادىلەتتىلىگىن قامتاماسىز ەتەدى.
ەسكە سالساق، سوت وتىرىسىندا توراعا ءادينۇر قاراباەۆ جۋرناليستكە ءتىل كورسەتكەن ءسات ۆيدەوگا ءتۇسىرىلىپ، جاريالانعان. سول وقيعادان كەيىن سۋدياعا قاتىستى تەكسەرۋ جۇرگىزىلىپ، ماتەريالدار جوعارعى سوت كەڭەسىنىڭ سوت القاسىنا جولدانعان بولاتىن.
