مەملەكەت باسشىسىنىڭ جارلىعىمەن فەلدشەر ۇلدانا مىرزۋانعا "ەرلىگى ءۇشىن" مەدالى بەرىلدى، دەپ حابارلايدى "ادىرنا" ۇلتتىق پورتالى.
بۇل تۋرالى پرەزيدەنتتىڭ ءباسپاسوز حاتشىسى رۋسلان جەلدىباي جازدى.
"مەملەكەت باسشىسىنىڭ جارلىعىمەن قىزمەتتىك بورىشىن ۇلگىلى اتقارعانى، قيىن-قىستاۋ جاعدايدا كورسەتكەن ەرلىگى مەن جانقيارلىعى ءۇشىن استانا قالالىق جەدەل مەديتسينالىق جاردەم ستانتسياسىنىڭ فەلدشەرى ۇلدانا قالدارحانقىزى مىرزۋان (مارقۇم) «ەرلىگى ءۇشىن» مەدالىمەن ماراپاتتالدى", - دەلىنگەن جازبادا.
ەسكە سالا كەتەيىك، 23 جاستاعى فەلدشەر 8 قاراشا كۇنى استانادا تۇرعىن ءۇيدىڭ قاسبەتى قۇلاعان ساتتە زارداپ شەككەن تۇرعىندارعا كومەكتەسۋگە ۇمتىلىپ، اۋىر جاراقات العان. الايدا ول 18 قاراشادا كوز جۇمدى.
ۇلدانا مىرزۋان بەس جىل بويى فەلدشەر بولىپ ەڭبەك ەتكەن.
ۇقساس جاڭالىقتار
