استانا اكىمدىگىنىڭ حابارلاۋىنشا، قالادا قىزىلشامەن سىرقاتتانعان ناۋقاستار سانى ءوسۋى بايقالادى، دەپ حابارلايدى «ادىرنا» ۇلتتىق پورتالى.
سىرقاتتانعانداردىڭ باسىم بولىگى ۆاكتسيناتسيالانباعان بالالار. بالالار ينفەكتسيالىق ستاتسيونارىندا 111% - عا جۋىق شامادان تىس ناۋقاس جاتقانى اتاپ ءوتىلدى. توسەك سىيىمدىلىعى 300 توسەك بولسا، قازىر ول 557 توسەككە، تاعى 20 رەانيماتسيالىق ورىنعا دەيىن ۇلعايتىلدى.
"كوپتەگەن اتا-انالار ءالى كۇنگە دەيىن قىزىلشانىڭ قانشالىقتى قاۋىپتى ەكەنىن تۇسىنبەيدى. كەيبىرى، ءوز سەنىمدەرى بويىنشا، بالالاردى ۆاكتسيناتسيالاۋدان باس تارتادى، جالعان فاكتىلەرگە سۇيەنەدى. بىراق اۋرۋ باسقا اۋرۋلاردىڭ اسقىنۋلارىنا قاۋىپتى بولىپ تابىلادى. بولاشاقتا قىزىلشامەن اۋىرعان بالادا ميدىڭ ءىسىنۋى، وكپەنىڭ ابستسەسسى سياقتى اۋىر زارداپتار، ءتىپتى كەرەڭدىك اۋرۋىنا پايدا بولۋى مۇمكىن",»، - دەيدى №6 جۇقپالى اۋرۋلار ءبولىمىنىڭ مەڭگەرۋشىسى گۇلميرا نۇرتازينا.
اۋرۋحانانىڭ مالىمەتىنشە، قىزىلشامەن اۋىراتىن رەانيماتسياداعى بالالاردىڭ بارلىعى تىنىس الۋ اپپاراتىندا.
«قازىر ءبىزدىڭ اۋرۋحاناعا جاتقىزىلعان بالالاردىڭ 96%-ى ەكپە الماعان بالالار، ولاردىڭ بارلىعى دا كۇردەلى جاعدايدا. التى ناۋقاس قىزىلشامەن جانساقتاۋ بولىمىندە جاتىر. تورتەۋىنىڭ جاعدايى اۋىر، ەكەۋى وتە اۋىر حالدە. قازىر بۇل بالالاردىڭ اتا-انالارى دابىل قاعىپ، ۇرەيلەنىپ، بالالارى ءۇشىن الاڭداۋدا. ولار مۇنى بالالارىنىڭ جاعدايى اۋىر بولعان كەزدە عانا تۇسىنگەنى وتە وكىنىشتى جانە بۇل ۋاقىتتا اتا-انالار بالالارىنا كومەكتەسە المايدى»، - دەپ اتاپ ءوتتى №3 مگدب رەانيماتسيا ءبولىمىنىڭ مەڭگەرۋشىسى ەكاتەرينا بۋلاتوۆا.
دارىگەرلەر قىزىلشانىڭ جالعىز الدىن - الۋ جانە قورعاۋ-بۇل ۆاكتسيناتسيا ەكەنىن ەسكە سالادى.
«ادىرنا» ۇلتتىق پورتالى
