رۋدنىيدا ەكى كوشەنىڭ اتىن وزگەرتۋ ءۇشىن داۋ تۋدى، دەپ حابارلايدى "ادىرنا" ۇلتتىق پورتالى Centralmedia24-كە سىلتەپ.
قوعامدىق تىڭداۋ بارىسىندا قالا تۇرعىنى كوشە اتىن قازاقشالاۋعا قارسىلىق بىلدىرگەنى تۋرالى اقپارات تاراعان.
باق مالىمەتىنشە، ەكاتەرينا كورچاگينا شەنەۋنىكتەردىڭ ۇسىنىسىنا قارسى شىعىپ، «50 لەت وكتيابريا» كوشەسىن «دوستىق» دەپ قايتا اتاۋعا قارسىلىق ءبىلدىردى. ونىڭ ءسوزى جەرگىلىكتى پورتالداردا جاريالانعان ۆيدەودا كورىنىس تاپقان.
«“دوستىق” اتاۋىن قالاي بولسا سولاي قويا سالدىڭىزدار، تەك “50 لەت”-ءتى الىپ تاستاۋ ءۇشىن. ال فرانكو كوشەسىن ء"اليا مولداعۇلوۆاعا" اۋىستىرۋعا قارسىلىعىم جوق. ول — شىنىمەن دە ەلەۋلى تۇلعا. بىراق ونىڭ ەرلىگى دە قازىر جوق، سول داۋىرگە تيەسىلى. كەڭەستىك اتاۋلاردان باس تارتقاندا، ونىڭ دا سول ۋاقىتتىڭ وكىلى ەكەنىن نەگە ەسكەرمەيسىزدەر؟»، – دەدى كورچاگينا.
تۇرعىن مالىمدەمەسىنەن كەيىن زالداعى تارتىپكە قاتىستى ەسكەرتۋ جاسالعان. كەيىننەن ونى زالدان شىعارعان. باق-تا ونىڭ ءتارتىپ پەن رەگلامەنت ساقتاماعانى ايتىلعان.
تىڭداۋدان كەيىن قالا ءماسليحاتىنىڭ توراعاسى ازامات ىسقاقوۆ پوليتسياعا شاعىم تۇسىرگەن. ونىڭ ايتۋىنشا، ايەل تىڭداۋ كەزىندە وزىن قورلايتىن ءسوز ايتقان.
كەيىن پوليتسيا كورچاگينانىڭ ارەكەتىن اكىمشىلىك قۇقىقبۇزۋشىلىق دەپ باعالادى. قوستاناي وبلىسى پد مالىمەتىنشە، ول قوعامدىق ءتارتىپتى بۇزىپ، «دورەكى جانە بەيادەپ سوزدەر پايدالانعان».
«اكىمشىلىك سوت وعان 20 اەك (78 640 تەڭگە) كولەمىندە ايىپپۇل سالدى»، – دەپ حابارلادى ۆەدومستۆو.
وسىعان قاراماستان، دەپۋتاتتار ەكى كوشەنىڭ اتاۋىن وزگەرتۋ تۋرالى ۇسىنىستى قولدادى.
«50 لەت وكتيابريا» – «دوستىق» دەپ، يۆان فرانكو كوشەسى – اليا مولداگۋلوۆا ەسىمىمەن اتالاتىن بولادى.
ەندى بۇل شەشىمدى رەسپۋبليكالىق ونوماستيكالىق كوميسسيا قاراپ، سوڭعى نۇكتەنى قويادى.
