فوتو: T.me/ Kozachkov offside
رۋدنىي قالاسىنىڭ پروكۋرورى ۇستالعانى تۋرالى اقپارات تارادى. باس پروكۋراتۋرا وسىعان قاتىستى رەسمي مالىمدەمە جاسادى. وقيعانىڭ بۇگىن، ياعني 28 قىركۇيەك كۇنى بولعانى انىقتالدى، دەپ حابارلايدى “ادىرنا”.
«قىزمەتتىك ءتارتىپ بۇزۋشىلىقتاردىڭ الدىن الۋ ماقساتىندا قوستاناي وبلىسى پروكۋراتۋراسىنىڭ ىشكى قاۋىپسىزدىك بولىمشەسى وبلىستىق ۇقكد-مەن بىرلەسىپ 2025 جىلعى 28 قىركۇيەكتە قىلمىستىق قۇقىقبۇزۋشىلىق جاسادى دەگەن كۇدىكپەن رۋدنىي قالاسىنىڭ پروكۋرورىن ۇستادى»، - دەلىنگەن پروكۋراتۋرا حابارلاماسىندا.
قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر. قىجك-ءنىڭ 201-بابىنا سايكەس وزگە اقپارات جاريا ەتۋگە جاتپايدى.
جۋرناليست ميحايل كوزاچكوۆ پروكۋرور مۇرات وسپانوۆتىڭ 20 ملن تەڭگە پارا الىپ جاتقان ساتىندە ۇستالعانى تۋرالى اقپارات تاراتتى.
«وپەراتسيانى باس پروكۋراتۋرا ۇقك وكىلدەرىمەن بىرلەسىپ جۇرگىزدى»، - دەپ جازدى جۋرناليست.
