Foto: T.me/ Kozachkov offside
Rudnyi qalasynyŋ prokurory ūstalǧany turaly aqparat tarady. Bas prokuratura osyǧan qatysty resmi mälımdeme jasady. Oqiǧanyŋ bügın, iaǧni 28 qyrküiek künı bolǧany anyqtaldy, dep habarlaidy “Adyrna”.
«Qyzmettık tärtıp būzuşylyqtardyŋ aldyn alu maqsatynda Qostanai oblysy prokuraturasynyŋ ışkı qauıpsızdık bölımşesı oblystyq ŪQKD-men bırlesıp 2025 jylǧy 28 qyrküiekte qylmystyq qūqyqbūzuşylyq jasady degen küdıkpen Rudnyi qalasynyŋ prokuroryn ūstady», - delıngen prokuratura habarlamasynda.
Qazırgı uaqytta qajettı tergeu äreketterı jürgızılıp jatyr. QIJK-nıŋ 201-babyna säikes özge aqparat jariia etuge jatpaidy.
Jurnalist Mihail Kozachkov prokuror Mūrat Ospanovtyŋ 20 mln teŋge para alyp jatqan sätınde ūstalǧany turaly aqparat taratty.
«Operasiiany Bas prokuratura ŪQK ökılderımen bırlesıp jürgızdı», - dep jazdy jurnalist.
