Rudnyida ekı köşenıŋ atyn özgertu üşın dau tudy, dep habarlaidy "Adyrna" ūlttyq portaly Centralmedia24-ke sıltep.
Qoǧamdyq tyŋdau barysynda qala tūrǧyny köşe atyn qazaqşalauǧa qarsylyq bıldırgenı turaly aqparat taraǧan.
BAQ mälımetınşe, Ekaterina Korchagina şeneunıkterdıŋ ūsynysyna qarsy şyǧyp, «50 let Oktiabria» köşesın «Dostyq» dep qaita atauǧa qarsylyq bıldırdı. Onyŋ sözı jergılıktı portaldarda jariialanǧan videoda körınıs tapqan.
«“Dostyq” atauyn qalai bolsa solai qoia saldyŋyzdar, tek “50 let”-tı alyp tastau üşın. Al Franko köşesın "Äliia Moldaǧūlovaǧa" auystyruǧa qarsylyǧym joq. Ol — şynymen de eleulı tūlǧa. Bıraq onyŋ erlıgı de qazır joq, sol däuırge tiesılı. Keŋestık ataulardan bas tartqanda, onyŋ da sol uaqyttyŋ ökılı ekenın nege eskermeisızder?», – dedı Korchagina.
Tūrǧyn mälımdemesınen keiın zaldaǧy tärtıpke qatysty eskertu jasalǧan. Keiınnen ony zaldan şyǧarǧan. BAQ-ta onyŋ tärtıp pen reglament saqtamaǧany aitylǧan.
Tyŋdaudan keiın qala mäslihatynyŋ töraǧasy Azamat Ysqaqov polisiiaǧa şaǧym tüsırgen. Onyŋ aituynşa, äiel tyŋdau kezınde özın qorlaityn söz aitqan.
Keiın polisiia Korchaginanyŋ äreketın äkımşılık qūqyqbūzuşylyq dep baǧalady. Qostanai oblysy PD mälımetınşe, ol qoǧamdyq tärtıptı būzyp, «dörekı jäne beiädep sözder paidalanǧan».
«Äkımşılık sot oǧan 20 AEK (78 640 teŋge) kölemınde aiyppūl saldy», – dep habarlady vedomstvo.
Osyǧan qaramastan, deputattar ekı köşenıŋ atauyn özgertu turaly ūsynysty qoldady.
«50 let Oktiabria» – «Dostyq» dep, İvan Franko köşesı – Aliia Moldagulova esımımen atalatyn bolady.
Endı būl şeşımdı Respublikalyq onomastikalyq komissiia qarap, soŋǧy nüktenı qoiady.
