Uaqyt beldeuın būrynǧy rejimge qaitaru turaly petisiiany talqylauda ekı tarap ortaq şeşımge kele almady. Būl turaly bügın Sauda jäne integrasiia vise-ministrı Qairat Balyqbaev jauapty memlekettık organnyŋ aldyn ala şeşımın jariialady, dep habarlaidy “Adyrna” ūlttyq portaly QazAqparatqa sılteme jasap.
2 saǧattan astam uaqytqa sozylǧan jiynda ekı tarap ortaq şeşımge kele almady.
Otyrystyŋ töraǧasy retınde söz alǧan Qairat Balyqbaev petisiia talabyna bailanysty şeşım jobasyn jariialady. Degenmen ol būl aitylǧan şeşım tek jospar ǧana ekenın, naqty şeşım emestıgın eskerttı.
«Men aldyn ala şeşımdı aitaiyn dep otyrmyn. Uaqyt beldeuın būrynǧy qalpyna qaitaru turaly petisiia ökılderınıŋ uäjderın talqylai kelıp, ol talapty oryndaudan bas tartu jönınde şeşım qabyldauǧa bekınıp otyrmyz. Men bügıngı jiynnyŋ töraǧasy
Aita keteiık, būǧan deiın utilalizasiialyq alymdy alyp tastau boiynşa 50 myŋ qol jinaǧan petisiiaǧa qatysty qoǧamdyq tyŋdau ötıp, bilık petisiia talabyn oryndaudan bas tartqan edı.
Eske salsaq, 2020 jylǧy 1 qyrküiektegı Memleket basşysy Qasym-Jomart Toqaevtyŋ Qazaqstan halqyna Joldauynda: «Azamattarymyz reformalarǧa bastamaşy bolyp, ūsynystar beru üşın onlain-petisiialardyŋ bıryŋǧai zaŋdy institutyn qūru qajet. Mūndai qūrylym qandai da bır būrmalau äreketterınen tolyq qorǧaluǧa tiıs», delıngen bolatyn.
