الماتى قالاسىندا قاڭتار 2022 وقيعاسىنا قاتىستى جابىق سوت پروتسەسى قورىتىندىلاندى، دەپ حابارلايدى "ادىرنا" ۇلتتىق پورتالى.
قالالىق مامانداندىرىلعان اۋدانارالىق سوت 29 ايىپتالۋشىعا ۇكىم شىعاردى.
بەلگىلى بولعانداي، سوتتالۋشىلار قر قىلمىستىق كودەكسىنىڭ ءارتۇرلى باپتارى بويىنشا، ونىڭ ىشىندە ۇيىمداسقان توپقا قاتىسۋ، بانديتيزم، جاپپاي تارتىپسىزدىككە ارالاسۋ، ادام ۇرلاۋ، زاڭسىز باس بوستاندىعىنان ايىرۋ، كولىكتى زاڭسىز باسىپ الۋ، قارۋ–جاراق، وق-ءدارى نەمەسە جارىلعىش زاتتاردى زاڭسىز يەمدەنۋ، ساقتاۋ، تاسىمالداۋ سياقتى اۋىر قىلمىس جاساعانى ءۇشىن ايىپتى دەپ تانىلدى.
سوت ۇكىمىنە سايكەس، ايىپتالۋشىلار ءۇش جىلدان ون سەگىز جىل ارالىعىندا باس بوستاندىعىنان ايىرىلدى.
سوت پروتسەستەرى جابىق تۇردە ءوتىپ، ايىپتالۋشىلاردىڭ جەكە باسى تۋرالى اقپارات سوت قورعاپ وتىرعان مەملەكەتتىك جانە باسقا دا زاڭمەن قورعالاتىن قۇپيا مۇددەلەرىنە بايلانىستى جاريالانبادى.
ودان بۇرىن 2025 جىلدىڭ قاڭتارىندا «ارمان جۇماگەلديەۆ» (ديكي ارمان) جانە باسقا نەگىزگى ۇيىمداستىرۋشىلارعا قارسى سوت ۇكىمى شىققان بولاتىن.
جۇماگەلديەۆكە 20 جىل، ال بىرگە ايىپتالعاندارعا — 8 جىل مەن 15 جىل 6 ايعا دەيىنگى مەرزىمدەر بەلگىلەندى.
وسىلايشا، قاڭتار وقيعاسىنا قاتىسى بار دەپ تانىلعان تاعى ءبىر ءىرى ءىس بويىنشا سوت ناتيجەسى بەلگىلى بولدى.
