گونكونگتىڭ تاي پو اۋدانىنداعى Wang Fuk Court تۇرعىن ءۇي كەشەنىندە شىققان ورتتەن قازا تاپقاندار سانى 94 ادامعا جەتتى, بۇل سوڭعى 70 جىلداعى ەڭ ءىرى تۇرعىن ءۇي ءورتى دەپ باعالانىپ وتىر، دەپ حابارلايدى «ادىرنا».
ءورت سالدارىنان شامامەن 155 ادام زارداپ شەكتى, ونىڭ 11-ءى ءورت سوندىرۋشىلەر. ولاردىڭ 15-ءىنىڭ جاعدايى وتە اۋىر.
قۇتقارۋشىلاردىڭ ايتۋىنشا، قازا تاپقانداردىڭ كوپشىلىگى جالىن ەڭ قاتتى ورشىگەن جەتى عيماراتتىڭ ەكەۋىنەن تابىلعان.
الدىن الا مالىمەت بويىنشا, ءورتتىڭ تەز تارالۋىنا عيماراتتىڭ سىرتىنا ورناتىلعان بامبۋك باسپالداقتار مەن تورلار, سونداي-اق جانعىش ماتەريالدار سەبەپ بولدى.
تەرگەۋ ءجۇرىپ جاتىر، كۇدىكتىلەر مەن جاۋاپتى تۇلعالار انىقتالۋدا.
ۇقساس جاڭالىقتار
