ۋكراينا پرەزيدەنتى ۆلاديمير زەلەنسكيدىڭ بۇرىنعى كەڭسە باسشىسى اندرەي ەرماك قىزمەتىنەن بوساتىلعاننان كەيىن مايدانعا باراتىنىن مالىمدەدى. بۇل تۋرالى New York Post جازدى، دەپ حابارلايدى «ادىرنا» ءتىلشىسى.
«مەن مايدانعا بارعالى جاتىرمىن. كەز كەلگەن قىسىمعا دايىنمىن»،-دەدى ول.
ەرماك قاشان سوعىس ايماعىنا اتتاناتىنىن ناقتىلامادى.
«اتىما كىر كەلتىردى. 2022 جىلعى 24 اقپاننان بەرى كيەۆتە جۇمىس ىستەگەنىمە قاراماستان، ابىرويىمدى ەشكىم قورعامادى. زەلەنسكيگە كەسىرىم تيمەگەنىن قالايمىن، سوندىقتان مايدانعا بارامىن»،-دەپ تولىقتىردى ول.
28 قاراشادا زەلەنسكي كەڭسە باسشىسىن قىزمەتتەن بوساتقان ەدى. ول ەرماكتىڭ قىزمەتىنەن ءوز ەركىمەن كەتۋ تۋرالى ءوتىنىش بەرگەنىنىن مالىمدەدى.
ۇقساس جاڭالىقتار
