دونباسستاعى جاعداي كۇننەن كۇنگە ۋشىعىپ جاتىر. رەسەي مەن ۋكراينا تاراپى دا شەكاراعا اسكەرلەرى مەن سوعىس تەحنيكالارىن ءۇيىپ-توگىپ تاستادى. ءبىر بىرىنە كوماندا بەرىلۋىن عانا كۇتىپ وتىر.
كەيبىر باتىستىق اقپاراتتىق قۇرالدارى رەسەيدىڭ كومەگىن الىپ وتىرعان سەپاراتيستەردىڭ جاسىرىن ارەكەتتەرگە كوشىپ جاتقانىن حابارلاۋدا. اقش-تىڭ ۋكرايناعا كومەككە بومبالاۋشى ۇشاقتارى دا كەلىپ جاتىر. جەرگىلىكتى اقپارات كوزدەرىنىڭ ايتۋىنشا، لۋگانسكدە كوپ ۇزاماي سوعىس ءورتى تۇتانۋى مۇمكىن دەپ دەيدى. قازىر ۋكراينا تاراپىنان لۋگانسكگە 120 مينومەت پەن برونوتەحنيكالار قويىلدى. لۋگانسكدەگى سوعىس تەحنيكالارى مەن اسكەري باسشىلىق قارسى تاراپقا جاۋاپ قايتارۋعا دايىن وتىرمىز دەپ مالىمدەمە جاسادى.
شىعىس ۋكريانادا ورنالاسقان باق-تار ءبىر جاعداي ورىن الا قالسا، اقپاراتتاردى الەمگە تاراتۋعا دايىن وتىر. بۇل شارالاردى قاۋىپ قاي تاراپتان بولاتىنىن كرەملگە قارسى الدىن الا دايىنداپ قويعانىن ەسكەرتتى. بۇگىن ۋكرايناعا اقش-تىڭ ۇلتتىق گۆاردياسى رەزەرۆىنەن بەرىلگەن 50 برونوتەحنيكاسى مەن س-130 ۇشاقتارى جەتتى. پەنتاگون مۇنىمەن شەكتەلمەيمىز، تاعى دا قوسىمشا كۇش جىبەرەمىز دەپ وتىر.
ۋكراينانىڭ شىعىن شەكاراسى ايماعىندا قازىر اقش-تىڭ RQ-4A Global Hawk اتتى بارلاۋشى دروندارى جاعدايدى باقىلاۋعا الىپ، ۇشىپ ءجۇر. بۇل دروندار دونباسستاعى، لۋگانسكدەگى، قىرىمداعى، قارا تەڭىز جاعالاۋلارىنداعى جاعدايلاردى باقىلاۋىنا الىپ، اقپاراتتار جىبەرىپ وتىرادى.
بەكبولات قارجان،
"ادىرنا"ۇلتتىق پورتالى
