Donbasstaǵy jaǵdaı kúnnen kúnge ýshyǵyp jatyr. Reseı men Ýkraına tarapy da shekaraǵa áskerleri men soǵys tehnıkalaryn úıip-tógip tastady. Bir birine komanda berilýin ǵana kútip otyr.
Keıbir batystyq aqparattyq quraldary Reseıdiń kómegin alyp otyrǵan separatısterdiń jasyryn áreketterge kóship jatqanyn habarlaýda. AQSh-tyń Ýkraınaǵa kómekke bombalaýshy ushaqtary da kelip jatyr. Jergilikti aqparat kózderiniń aıtýynsha, Lýganskde kóp uzamaı soǵys órti tutanýy múmkin dep deıdi. Qazir Ýkraına tarapynan Lýganskge 120 mınomet pen bronotehnıkalar qoıyldy. Lýganskdegi soǵys tehnıkalary men áskerı basshylyq qarsy tarapqa jaýap qaıtarýǵa daıyn otyrmyz dep málimdeme jasady.
Shyǵys Ýkrıanada ornalasqan BAQ-tar bir jaǵdaı oryn ala qalsa, aqparattardy álemge taratýǵa daıyn otyr. Bul sharalardy qaýip qaı taraptan bolatynyn Kremlge qarsy aldyn ala daıyndap qoıǵanyn eskertti. Búgin Ýkraınaǵa AQSh-tyń ulttyq gvardııasy rezervinen berilgen 50 bronotehnıkasy men S-130 ushaqtary jetti. Pentagon munymen shektelmeımiz, taǵy da qosymsha kúsh jiberemiz dep otyr.
Ýkraınanyń Shyǵyn shekarasy aımaǵynda qazir AQSh-tyń RQ-4A Global Hawk atty barlaýshy drondary jaǵdaıdy baqylaýǵa alyp, ushyp júr. Bul drondar Donbasstaǵy, Lýganskdegi, Qyrymdaǵy, Qara teńiz jaǵalaýlaryndaǵy jaǵdaılardy baqylaýyna alyp, aqparattar jiberip otyrady.
Bekbolat QARJAN,
"Adyrna"ulttyq portaly
