AQŞ qorǧanys ministrlıgı İran aumaǧyna jasalǧan soqqyǧa bailanysty mälımdemesın jariialady, dep habarlaidy “Adyrna” ūlttyq portaly QazAqparatqa sıltep.
Pentagon basşysy Pit Hegset AQŞ pen İzrail äreketterı İrannyŋ AQŞ qaruly küşterı men älemdegı amerikalyq müddelerge qarsy baǧyttalǧan köpjyldyq şabuyldaryna jauap bolǧanyn mälımdedı.
Onyŋ aituynşa, operasiianyŋ maqsaty – eldıŋ şabuyldauşy zymyrandaryn, zymyran öndırısın, äskeri-teŋız küşterın jäne qauıpsızdık infraqūrylymyn joiu, iadrolyq qaruǧa ie boluyna jol bermeu.
“Bız būl soǧysty bastaǧan joqpyz, bıraq prezident Donald Tramp tūsynda ony aiaqtaimyz. Būl rejimdı auystyru soǧysy emes, alaida rejim özgeruı tiıs jäne älem būdan ūtady”, – dedı Hegset.
Ol İran aumaǧynda amerikalyq qūrlyq äskerlerı joq ekenın rastady. Alaida bolaşaqtaǧy äskeri äreketterge qatysty tolyq mälımet beruden bas tartty.
Sonymen qatar qaqtyǧystyŋ ūzaqqa sozylatyny jönındegı boljamdardy joqqa şyǧardy, bıraq naqty merzımın ataǧan joq.
Pentagon basşysy äskeri qimyldardyŋ adam şyǧynyna äkelgenın rastady. Onyŋ mälımetınşe, tört amerikalyq äskeri qyzmetker qaza tapqan.
Al AQŞ Qaruly küşterı ştab bastyqtary bırıkken komitetınıŋ töraǧasy Den Kein İrandaǧy äskeri maqsattarǧa jetu kürdelı bolatynyn jäne qosymşa küş-jıgerdı talap etetının aitty.
