AQŞ prezidentı Donald Tramp CNN, MS NOW jäne Politico aqparat qūraldarynyŋ jurnalisterıne Aq üige kıruge tyiym saldy, dep habarlaidy "Adyrna".
Būl turaly ol 18 qyrküiekte Truth Social äleumettık jelısındegı paraqşasynda mälımdedı.
DW mälımetınşe, Tramp atalǧan aqparat qūraldaryn «jalǧan jaŋalyqtar taratty» dep aiyptap, olardyŋ prezident pen AQŞ äkımşılıgınıŋ qyzmetın jariialau kezınde «oidan şyǧarylǧan aqparat pen ötırık» taratatynyn jazǧan. Sonymen qatar ol basqa da aqparat qūraldaryna qatysty osyndai şara qoldanyluy mümkın ekenın aitty.
Aq üidıŋ būl şeşımı CNN, MS NOW jäne Politico jurnalisterınıŋ brifingter men prezidenttıŋ qatysuymen ötetın keibır ıs-şaralarǧa qatysuyna äser etedı.
CNN būl şeşımdı baspasöz bostandyǧyna jasalǧan zaŋsyz äreket dep baǧalap, oǧan qarsy şyǧatynyn jazdy. Al Politico redaksiiasy qazırgı jäne bolaşaq äkımşılıkterdıŋ qyzmetın obektivtı türde jariialaudy jalǧastyratynyn jäne jurnalisterdıŋ Konstitusiiada bekıtılgen qūqyqtaryn qorǧauǧa niettı ekenın habarlady.
Aita keteiık, AQŞ prezidentı Tramptyŋ būǧan deiın de bırqatar aqparat qūraldarynyŋ Aq üidegı ıs-şaralarǧa qatysuyna şekteu qoiǧany belgılı. 2025 jyly onyŋ äkımşılıgı Associated Press agenttıgınıŋ keibır ıs-şaralarǧa qatysuyna şekteu engızgen. Būǧan agenttıktıŋ Meksika şyǧanaǧyn «Amerika şyǧanaǧy» dep atau turaly prezident talabyn oryndamauy sebep bolǧan.
AQŞ-taǧy baspasöz ūiymdary men qūqyq qorǧauşylar qazırgı şeşımnıŋ Konstitusiiadaǧy söz jäne baspasöz bostandyǧyna qatysty normalarǧa säikestıgıne kümän keltırıp otyr. Mäsele sotta qaraluy mümkın.
