Memleket basşysy Qasym-Jomart Toqaevtyŋ atyna AQŞ Prezidentı Djozef Baidennen hat kelıp tüstı. Qazaqstan Prezidentınıŋ atyna kelgen hatta Djozef Baiden Semei iadrolyq poligonynyŋ jabylǧanyna otyz jyl toluyna orai qūttyqtauyn jetkızgen, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
Aita keteiık, 29 tamyz - Iаdrolyq synaqtarǧa qarsy ıs-qimyldyŋ halyqaralyq künı retınde atap ötıledı. Elbasynyŋ 1991 jylǧy 29 tamyzdaǧy Jarlyǧymen Semei iadrolyq poligony jabyldy.
– 29 tamyz künı Semei iadrolyq poligonynyŋ jabylǧanyna 30 jyl toluyna orai Amerika Qūrama Ştattarynyŋ atynan Qazaqstan Respublikasynyŋ halqyna eŋ ızgı qūttyqtauymdy bıldırgım keledı. Amerika Qūrama Ştattary būrynǧy synaq poligony aimaǧyn qalpyna keltıru men onyŋ qauıpsızdıgın qamtamasyz etu boiynşa Sızdıŋ Ükımetıŋızben aradaǧy jalǧasyp jatqan yntymaqtastyqty qosa alǧanda, Qazaqstanmen berık serıktestıgın nyǧaita bermek. Amerika Qūrama Ştattary Qazaqstannyŋ täuelsızdık alǧan alǧaşqy künınen bastap Semei aimaǧynda ärıptestık qarym-qatynasta jūmystar atqaryp keledı, – dep jazdy AQŞ Prezidentı.Djozef Baiden qauıp-qaterlerdı bırlesıp tömendetuge baǧyttalǧan Nann-Lugar baǧdarlamasy aiasynda keŋestık iadrolyq synaq infraqūrylymynan qalǧan mūrany joiu jolynda Qazaqstan men AQŞ-tyŋ bırıgıp jūmys atqarǧanyn eske alyp, ekı eldıŋ dostyǧyn atap öttı.
– Amerika Qūrama Ştattary sızdıŋ elıŋızdı dos dep maqtana aitady jäne men serıktestıgımızdıŋ äleuetın tolyq ärı jemıstı ıske asyru üşın sızben jūmys ısteuge daiynmyn, – delıngen Djozef Baidennıŋ hatynda.
Aita keteiık, 29 tamyz - Iаdrolyq synaqtarǧa qarsy ıs-qimyldyŋ halyqaralyq künı retınde atap ötıledı. Elbasynyŋ 1991 jylǧy 29 tamyzdaǧy Jarlyǧymen Semei iadrolyq poligony jabyldy.
"Adyrna" ūlttyq portaly
Ūqsas jaŋalyqtar
