1 جەلتوقساننان 28 اقپانعا دەيىن جازعى دوڭگەلەكپەن كولىك جۇرگىزۋگە تىيىم سالىنادى. بۇل – «دوڭگەلەكتى كولىك قۇرالدارىنىڭ قاۋىپسىزدىگى تۋرالى» كەدەن وداعىنىڭ تەحنيكالىق رەگلامەنتىندە (تر تس) كورسەتىلگەن. بۇل تۋرالى kolesa.kz جازدى، حابارلايدى "ادىرنا".
قۇجاتقا سايكەس، قىس مەزگىلى بويى ياعني، جەلتوقسان، قاڭتار، اقپان ايلارىندا، اۋا رايىنا قاراماستان، كولىكتە مىندەتتى تۇردە ءبۇرتابان شينالار نەمەسە ءۇش شىڭى بار تاۋ بەلگىسى، سونداي-اق «م+S»، «M&S»، «M S» (Mud and Snow — «بالشىق پەن قار») بەلگىسى بار شينامەن ءجۇرۋى كەرەك.
بۇل تالاپ بارلىق ءتورت دوڭگەلەككە بىردەي قولدانىلادى، تەك ءبىر وسكە ورناتۋ جەتكىلىكسىز. سونىمەن قاتار، جول ءجۇرۋ ەرەجەسى بويىنشا ءبىر وسكە ءارتۇرلى تيپتەگى، ولشەمدەگى، ءارتۇرلى پروتەكتورى بار، شەگەلى جانە شەگەسىز شينالاردى قاتار قويۋعا تىيىم سالىنادى. قىسقى شينالار ءۇشىن پروتەكتوردىڭ مينيمالدى تەرەڭدىگى 4 مم بولۋى ءتيىس. ودان از بولسا ، بۇل تالاپقا ساي ەمەس دەپ ەسەپتەلەدى.
قىس مەزگىلىندە جازعى دوڭگەلەكپەن جۇرگەنى ءۇشىن ايىپپۇل مولشەرى 5 اەك-ءتى قۇرايدى. بۇل 2025 جىلدىڭ سوڭىنا دەيىن 19 660 تەڭگە، ال 2026 جىلى – 21 625 تەڭگە بولادى.
