ۇلت رۋحىنىڭ جىرشىسى، جىر جامپوزى نەسىپبەك ايتۇلىنىڭ 75 جىلدىق مەرەيتويىنا ارنالعان ەسكە الۋ شارالارىنا ارنالعان العاشقى باسقوسۋى سەمەي قالاسىنداعى اباي كىتاپحاناسىندا سىر سۇحبات الاڭىنان باستالدى.
شاراعا اقىننىڭ جارى مانات جۇكەنقىزى، ۇلى نۇرات نەسىپبەكۇلى، نەمەرەسى دۋلات جانە اقىننىڭ زامانداستارى، دوستارى، تانىمال تۇلعالار بەلگىلى جازۋشى، ف.ع.د.، ابايتانۋشى، اۋەزوۆتانۋشى، الاشتانۋشى تۇرسىن جۇرتباي، كومپوزيتور، داۋلەسكەر كۇيشى، قازاقستاننىڭ ەڭبەك سىڭىرگەن ءارتىسى، پاراسات جانە قۇرمەت وردەندەرىنىڭ يەگەرى سەكەن تۇرىسبەكوۆ، اياگوز اۋدانى اكىمىنىڭ ورىنباسارى ايبەك نۇعىماروۆ، اقىننىڭ جەرلەسى نۇرلانبەك توقتاباەۆ، اباي وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى جانجىگىت ومارحان جانە اقىننىڭ كوزىن كورگەن زامانداستارى مەن زيالى قاۋىم وكىلدەرى قاتىسىپ، اقىننىڭ ءومىرى مەن شىعارماشىلىعى تۋرالى كەڭىنەن اڭگىمە ءوربىتتى.
كەزدەسۋگە اقىننىڭ تۋعان جەرى اياگوز اۋدانى، بارشاتاس اۋىلىنان ارنايى دەلەگاتسيا كەلىپ، كورنەكتى تۇلعانىڭ ونەگەلى ءومىرى مەن شابىتتى شىعارماشىلىعى جايىندا ەستەلىكتەرىمەن ءبولىستى.
اقىننىڭ ۇلى نۇرات نەسىپبەكۇلى كىتاپحانانىڭ سيرەك قورىنا اكەسىنىڭ قولجازبالارىن تابىستاپ، قالامگەر جازبالارى كىتاپحانا قورىن تولىقتىرا ءتۇستى.
كەزدەسۋ بارىسىندا نەسىپبەك اقىننىڭ ءىزباسارلارى ارمان شەريزات پەن ازامات سەرىكۇلى ارنايى استانا قالاسىنان كەلىپ، اقىنعا ارناۋ ايتىپ، شارانىڭ ءسانىن اشا ءتۇستى.
ءىس-شارا اياسىندا اقىن شىعارماشىلىعىنا ارنالعان «ۇلت رۋحىنىڭ جىرشىسى - نەسىپبەك ايتۇلى» اتتى كەڭ كولەمدى كىتاپ كورمەسى جاساقتالدى. كورمەگە كورنەكتى تۇلعانىڭ كىتاپتارى، باسىلىم بەتتەرىندە جاريالانعان ماقالالار، سونداي-اق اقىننىڭ جەكە قورىنان الىنعان كىتاپتار قويىلدى.
ريما قاناپياقىزى
